अभिनेता-श्रेयस-तलपड़े अद्य यत्र हास्य-श्रृङ्खला “गोलमाल 5” इत्यनेन व्यस्तः अस्ति, तत्रैव तस्य अग्रिमं चलचित्रम् “द इंडिया स्टोरी” अपि निरन्तरं चर्चायां वर्तते। सद्यः एव अस्य चलचित्रस्य नूतनं विज्ञापनं प्रकाशितम्, येन सह अस्य विमोचन-तिथिः अपि घोषिता। अस्मिन् चलचित्रे श्रेयसस्य सह काजल-अग्रवालः प्रमुख-भूमिकायां दृश्यते।

कीटनाशक-रसायनयोः दुष्प्रभाव-आधारिता कथा

नूतने विज्ञापने तृण-आवृतां भूमिं शवपेटिका-आकारेण प्रदर्शितम् अस्ति, यत् अस्य गम्भीर-कथायाः संकेतं ददाति। “द इंडिया स्टोरी” कृषिक्षेत्रे कीटनाशकानां रसायनानां च दुरुपयोगात् उत्पन्नाः समस्याः तथा तेन सम्बद्धान् महत्-वंचनान् प्रकाशयितुं प्रयतते इति कथ्यते। चलचित्रे प्रशासनिक-तथा-न्यायिक-व्यवस्थायाः उपेक्षाः अपि प्रश्नीकृताः भविष्यन्ति।

त्रिभाषासु विमोचनम्

“द इंडिया स्टोरी” इत्यस्य निर्देशनं चेतन-डीके कृतवान्, सागर-बी-शिन्दे च अस्य निर्माता तथा लेखकः अस्ति। सामाजिक-राष्ट्रिय-विषयेषु आधारितं इदं चलचित्रं हिन्दी-तमिल-तेलुगु-भाषासु 24 जुलाई-मासे चलचित्रगृहेषु विमोच्यते। निर्माता-गणस्य अपेक्षा अस्ति यत् एतत् चलचित्रं दर्शकान् गम्भीर-चिन्तनाय प्रेरयिष्यति।

Hindusthan Samachar / Divya Ranjan