Enter your Email Address to subscribe to our newsletters
नवदिल्ली, २१ मे-मासः (हि.स.)। आयरलैण्ड-महिला-क्रिकेट-दलेन जून-जुलाई-मासयोः इङ्ग्लैण्ड-देशे भविष्यमाणायाः महिला-टी२०-विश्वकप-प्रतियोगितायाः कृते गुरुवासरे स्वीय-दलस्य घोषणा कृता। प्रसिद्धा बल्लेबाज गैबीलुईसः दलस्य नायिका-पदे नियुक्ता। एषः प्रथमः एव अवसरः भविष्यति यदा सा कस्यचित् वैश्विक-प्रतियोगितायां आयरलैण्ड-दलस्य नेतृत्वं करिष्यति।
यद्यपि गैबीलुईसः अद्यतन-पाद-आघातात् स्वास्थ्य-लाभं प्राप्नोति, यस्मात् कारणात् पाकिस्तान-वेस्टइण्डीज-देशयोः विरुद्धं गृहे आयोजितायाः टी२०-त्रिकोणीय-शृङ्खलायाः कृते तस्यै विश्रान्तिः प्रदत्ता। एषा शृङ्खला क्लॉनटार्फ-स्थले आयोजिता भविष्यति।
गैबी-लुईस-इत्यस्याः अनुपस्थितौ ऑर्लाप्रेण्डरगास्टः त्रिकोणीय-शृङ्खलायां दलस्य नेतृत्वं करिष्यति। विश्वकप-प्रतियोगितायाः कृते सा उपनायिकात्वेनापि नियुक्ता अस्ति।
दल-चयनस्य विषये द्रुत-कन्दूकक्षेपिका जेनमैग्वायरः आघात-कारणात् चयनात् बहिः कृता। अपरतः तस्याः भगिनी वामहस्त-स्पिन-कन्दूकक्षेपिका एमी मैग्वायरः आघातात् पुनरागत्य उभय-दलयोः सम्मिलिता अस्ति।
विश्वकप-प्रतियोगितायां आयरलैण्ड-दलम् इङ्ग्लैण्ड्, न्यूजीलैण्ड्, स्कॉटलैण्ड्, श्रीलङ्का, वेस्टइण्डीज्-देशैः सह समूहे स्थापितम् अस्ति। आयरलैण्डदेशः स्वस्य विश्वकप-अभियानस्य आरम्भं स्कॉटलैण्ड्-विरुद्धं मैनचेस्टर-नगरे करिष्यति।
टी२०-स्वरूपे आयरलैण्ड-दलस्य वैश्विक-क्रमाङ्कः नवमः अस्ति। गैबीलुईसः दलस्य प्रमुखा बल्लेबाज मन्यते। सा आईसीसी-महिला-टी२०-बल्लेबाजी-क्रमाङ्कने संयुक्तरूपेण चतुर्दश-स्थाने वर्तते। नेपाल-देशे आयोजिते टी२०-विश्वकप-क्वालिफायर-प्रतियोगितायां तया सप्त-पर्यायेषु २७६ धावनानि कृत्वा सर्वाधिक-धावन-प्राप्तकर्त्री अभवत्।
ऑर्ला प्रेण्डरगास्ट महिला-टी२०-सर्वाङ्ग-क्रीडिका-क्रमाङ्कने सप्तम-स्थाने वर्तते, यदा एमीहण्टरः बल्लेबाजी-क्रमाङ्कने २९-स्थाने अस्ति।
महिला-टी२०-विश्वकप-इत्यस्य कृते आयरलैण्ड-दलम् :
गैबीलुईसः (नायिका), ऑर्लाप्रेण्डरगास्ट (उपनायिका), एवाकैनिङ्गः, क्रिस्टिनाकूल्टरः रीली, अलाना डैल्जेलः, लॉरा डेलानी, जॉर्जिना डेम्प्सी, एमी हण्टरः, आर्लीन् केली, लुईस् लिटलः, एमी मैग्वायरः, लारा मैकब्राइड्, कारा मरे, लिया पॉलः तथा रेबेका स्टोकलः।
पाकिस्तान-वेस्टइण्डीज-विरुद्ध-त्रिकोणीय-शृङ्खलायाः कृते आयरलैण्ड-दलम् :
ऑर्लाप्रेण्डरगास्ट् (नायिका), एवाकैनिङ्गः, क्रिस्टिनाकूल्टरः रीली, अलानाडैल्जेलः, लॉरा डेलानी, जॉर्जिना डेम्प्सी, एमीहण्टरः, आर्लीन् केली, लुईस् लिटलः, एमी मैग्वायरः, लारा मैकब्राइड्, कारा मरे, लियापॉलः तथा रेबेका स्टोकलः।
Hindusthan Samachar / Divya Ranjan