नवदेहली, २१ मे-मास: (हि.स.)। केन्द्रीय-वाणिज्य-उद्योग-मन्त्रिणा पीयूष-गोयलेन गुरुवासरे उक्तं यत् द्विपक्षीय-व्यापार-सन्धि-वार्तायै अमेरिकी-दलम् अग्रिममासे भारतम् आगन्तुं शक्नोति। एतत् तस्य वक्तव्यं तदा विशेषमहत्त्वपूर्णम् इति मन्यते, यदा भारत-अमेरिकयोः मध्ये व्यापारिकसम्बन्धान् अधिकं सुदृढीकर्तुं निरन्तरं वार्ताः प्रचलन्ति। भारतीय-पक्षेण एप्रिल-मासे वाशिङ्गटन-डी.सी.नगरे अमेरिकी-समकक्षैः सह साक्षात्-संवादः कृतः आसीत्।

पीयूष-गोयलः नवदेहल्यां आयोजिते ‘अमेरिकन-चैम्बर्-ऑफ्-कॉमर्स’ (एमचैम) वार्षिक-नेतृत्व-शिखर-सम्मेलनकाले संवाददातृभिः सह वार्तालापे एतां सूचनां दत्तवान्। सः अवदत् यत् अमेरिकायाः व्यापार-दलस्य भारत-आगमनाय योजना अस्ति, किन्तु अमेरिकायाः प्रमुख-व्यापार-वार्ताकारस्य अस्मिन् यात्रायां सहभागः अद्यापि संभाव्यः न दृश्यते। सः अवदत्— “मम मतम् अस्ति यत् सः तैः सह न आगमिष्यति, किन्तु आगामिमासे दलस्य भारत-आगमन-योजना निश्चितरूपेण अस्ति।”

केन्द्रीय-वाणिज्य-उद्योग-मन्त्री रूप्यकस्य अवमूल्यनस्य परिप्रेक्ष्ये चलित-खाता-घाटस्य (सीएडी) नियन्त्रणाय सर्वकारस्य अतिरिक्त-उपायानां विषये पृष्टः सन् अवदत् यत् वयं स्थितिं निरन्तरं निरीक्षामहे। सः अवदत् यत् सर्वकारस्य सर्वे विभागाः एक-दलरूपेण कार्यं कुर्वन्ति। बहवः उपायाः विचाराधीनाः सन्ति। वैश्विक-स्थितिः अतीव समस्यापूर्णा अस्ति, किन्तु वयं विश्वासं कुर्मः यत् एतस्मिन् समस्यापूर्णे कालेऽपि वयं सफलाः भविष्यामः। सः अवदत्— “मम पूर्णविश्वासः अस्ति यत् भारतस्य भविष्यं उज्ज्वलम् अस्ति, भारते ताः क्षमताः सन्ति। प्रधानमन्त्रीऽपि अद्यैव अतीव सफलं विदेश-प्रवासं कृतवान्, यस्मिन् तस्मै त्रयः अन्ताराष्ट्रिय-पुरस्काराः प्रदत्ताः।”

Hindusthan Samachar / Divya Ranjan