Enter your Email Address to subscribe to our newsletters
प्रयागराज-नगरम्, २२ मे-मासः (हि.स.)। एनसीसी-ग्रुप-मुख्यालय-प्रयागराजस्य तत्त्वावधाने १६ यूपी-बटालियन-एनसीसी इत्यस्य नेतृत्वे संयुक्त-वार्षिक-प्रशिक्षण-शिविर–६३ इत्यस्य आयोजनं २० मे-मासात् २९ मे-मास-पर्यन्तं बीबीएस-विद्या-मन्दिरे, कादिलपुरे, प्रयागराजे सञ्चाल्यते। शिविरे प्रयागराज-ग्रुपस्य विभिन्न-एककानां कैडेट्स सैन्य-अनुशासनेन उत्साहेन च प्रशिक्षणं प्राप्नुवन्ति।
अस्मिन् अवसरे कर्नल-बीपी-द्विवेदी कैडेट्स्-सम्बोधितवान् यत् एनसीसी युवासु नेतृत्व-क्षमतां, राष्ट्रभक्तिः, सेवा-भावनां आत्मविश्वासं च विकसितुं सशक्तं मञ्च: अस्ति। तेन कैडेट्स अनुशासनेन, समर्पणेन, कर्तव्यनिष्ठया च प्रशिक्षणं प्राप्तुं प्रेरिताः। सहैव तेन शिविरे कृतानां व्यवस्थापनानां, अनुशासनस्य, प्रशिक्षण-सञ्चालनस्य च प्रशंसा कृता तथा १६ यूपी-बटालियन-एनसीसी-प्रयागराजस्य प्रयासानाम् अभिनन्दनं कृतम्।
एतां सूचनां रक्षा-मन्त्रालयस्य प्रयागराज-नगरस्य पीआरओ शुक्रवासरे दत्त्वा उक्तवान् यत् शिविरस्य तृतीय-दिवसे प्रयागराज-एनसीसी-ग्रुपस्य डिप्टी-ग्रुप-कमाण्डर-कर्नल-महोदयेन शिविरस्य निरीक्षणं कृतम् तथा क्वार्टर-गार्ड-इत्यस्य नमनं स्वीकृतम्। निरीक्षणस्य समये तेन प्रशिक्षण-गतिविधीनां, अनुशासन-व्यवस्थायाः, शिविर-सञ्चालनस्य च विवरणं गृहीतं तथा कैडेट्स्-सह संवादं स्थापयित्वा तेषां प्रशिक्षण-अनुभवानां विषये सूचना प्राप्ता।
पीआरओ-महोदयेन उक्तं यत् अस्मिन् अवसरे कैम्प-कमाण्डेण्ट् कर्नल-निशान्त-बरियार:, डिप्टी-कैम्प-कमाण्डेण्ट् मेजर-सन्तोष-जायसवालः तथा कैम्प-सूबेदार-मेजर-सीतारामः उपस्थिताः आसन्। शिविर-प्रशासनेन कैडेट्स-निवास-भोजन-स्वास्थ्य- तथा सुरक्षा-सम्बद्ध-व्यवस्थानां सुव्यवस्थित-प्रभावी-रक्षणार्थं निरन्तरं निरीक्षणं क्रियते।
Hindusthan Samachar / Divya Ranjan