रायपुर-नगरम्, २२ मे-मासः (हि.स.)। नन्दनवन-प्राणि-उद्याने तथा जंगल-सफारी-स्थले पर्यटकानां कृते आधुनिकाः पर्यावरण-अनुकूलाः च सुविधाः उपलब्धाः कर्तुं छत्तीसगढ़-सर्वकारेण महत्त्वपूर्ण: प्रयत्न: कृत:। अद्य शुक्रवासरे नन्दनवन-प्राणि-उद्याने, नवा-रायपुरे वनमन्त्री केदार-कश्यपेन ०७ आधुनिक-विद्युत्-चालित-बसयानानां, ०५ विद्युत्-जिप्सी-यानानां, नूतन-नौकायन-सेवायाः तथा सुविधा-सह-स्मृति-चिह्न-विक्रय-केन्द्रस्य शुभारम्भः कृतः।

अस्मिन् अवसरे वनमन्त्री केदार-कश्यपः उक्तवान् यत् प्रधानमन्त्री नरेन्द्र-मोदिनः हरित-ऊर्जा-सतत-विकास-दृष्टिकोणस्य तथा मुख्यमन्त्रिणः विष्णुदेव-सायस्य नेतृत्वे छत्तीसगढ़-सर्वकारः पर्यावरण-संरक्षणाय आधुनिक-पर्यटन-सुविधानां विकासाय च निरन्तरं कार्यं करोति। तेन उक्तं यत् नन्दनवने आरब्धाः एताः नूतन-सुविधाः प्रदेशाय इको-टूरिज्म-क्षेत्रे नूतनं परिचयं प्रदास्यन्ति।

वनमन्त्री केदार-कश्यपः उक्तवान् यत् विद्युत्-बसयानानां विद्युत्-जिप्सी-यानानां च सञ्चालनात् न केवलं प्रदूषणस्य न्यूनता भविष्यति, अपितु इन्धन-सञ्चयः पर्यावरण-संरक्षणं च सुदृढं भविष्यति। नूतना नौकायन-सेवा पर्यटकानां कृते उत्तमम् अनुभवं प्रदास्यति, तथा स्मृति-चिह्न-विक्रय-केन्द्रं स्थानीय-हस्तशिल्पानां उत्पादानां च प्रोत्साहनं कृत्वा स्थानीय-जनानां विशेषतः महिलानां कृते रोजगारस्य नूतन-अवसरान् स्रक्ष्यति।

तेन उक्तं यत् पीपीपी-मॉडल-आधारित: एष: प्रयत्न: राज्य-सर्वकारस्य दूरदर्शी-चिन्तनस्य परिणामः अस्ति, येन माध्यमेन निजी-सहभागितया सह पर्यटन-अधोसंरचना आधुनिकीक्रियते। अग्रिम-समये नन्दनवन-प्राणि-उद्यानं जंगल-सफारी-स्थलं च देशस्य प्रमुख-पर्यटन-केन्द्रेषु सम्मिलितं भविष्यतः।

कार्यक्रमे विभागीय-अधिकारिभिः उक्तं यत् अस्याः प्रयत्नस्य अन्तर्गतं अग्रिम-मासेषु कोटि-रूप्यकाणां निवेशस्य स्थानीय-स्तरे रोजगार-सृजनस्य च सम्भावनाः वर्धिष्यन्ते। नूतन-सुविधाभिः पर्यटकानां कृते सुरक्षितं सुविधाजनकं आधुनिकम् अनुभवं च उपलब्धं भविष्यति तथा छत्तीसगढ़स्य पर्यटन-क्षेत्रम् अधिकं सशक्तं भविष्यति।

Hindusthan Samachar / Divya Ranjan