Enter your Email Address to subscribe to our newsletters
लखनऊनगरम्, २२ मे-मासः (हि.स.)। योगी-सरकारः शिक्षाव्यवस्थायाः सहैव कर्मचारी-अधिकारिणां कार्यकुशलतां, डिजिटल-दक्षतां तथा प्रशासनिक-क्षमतां निरन्तरं सुदृढां करोति। मिशन-कर्मयोगी-प्रशिक्षण-कार्यक्रमस्य अन्तर्गतं उत्तरप्रदेशः तीव्रगतिं प्राप्य महत् प्रदर्शनं कृतवान् अस्ति। विवरणानुसारं प्रदेशस्य ५.४१-लक्षाधिकैः कर्मिभिः चत्वारः अधिकाः प्रशिक्षण-नमूना: सफलतया पूर्णीकृताः, यत् कुल-पञ्जीकृत-कर्मचारिणां ८८.१६ प्रतिशतम् अस्ति।
प्रदेशे प्रशासनिक-व्यवस्थां तकनीक-आधारितां, उत्तरदायित्वयुक्तां तथा परिणाममुखीं कर्तुं द्रुतगत्या कार्यं क्रियते। मिशन-कर्मयोगी-माध्यमेन कर्मिणः डिजिटल-कार्यप्रणाल्यां, ई-गवर्नेन्स-व्यवस्थायां तथा आधुनिक-प्रशासनिक-दक्षतायां योज्यन्ते, येन विद्यालय-शिक्षा-व्यवस्था अपि अधिका प्रभाववती भवति। अस्मात् प्रशिक्षण-अभियानात् कर्मिणां कार्यकुशलता वर्धिता, तेन सह निगरानी-व्यवस्था, योजनानां क्रियान्वयनं तथा सेवा-प्रदान-प्रणाली च सुदृढा जाता। योगी-सर्वकारस्य एष: प्रयत्न: उत्तरप्रदेशस्य प्रशासनिक-व्यवस्थां पारम्परिक-रूपात् अग्रे नीत्वा डिजिटल-दक्ष-परिणाम-आधारित-प्रणाल्यां परिवर्तयितुं महत्त्वपूर्णः प्रयासः इति मन्यते।
तकनीक-आधारित-नमूनायै प्राधान्यम्प्रशिक्षण-कार्यक्रमस्य उद्देश्यं कर्मिणः आधुनिक-प्रशासनिक-प्रणाल्यां, डिजिटल-प्लेटफॉर्मेषु तथा प्रभावी-सेवा-व्यवस्थायां संयोजयितुम् अस्ति, येन शासन-योजनानां लाभः शीघ्रं जनस्तरं यावत् प्राप्नुयात्। प्रदेश-सर्वकारः अधुना शिक्षायां प्रशासन-क्षेत्रे च तकनीक-आधारित-माडलाय विशेष-प्राथमिकतां ददाति।
6,14,245 कर्मिणः पञ्जीकरणं कृतवन्तः
प्रगति-विवरणानुसारं प्रदेशस्य आहत्य-७,००,००० कर्मिणः मध्ये ६,१४,२४५ कर्मिणः पटल-मध्ये पञ्जीकरणं कृतवन्तः। एतेषु ५,४१,५१२ कर्मिणः चत्वारः अधिकाः प्रशिक्षण-पाठ्यक्रमाः पूर्णीकृतवन्तः। विशेषतः प्रदेशे केवलं ०.५० प्रतिशतं कर्मिणः एव एतादृशाः सन्ति येषां लर्निंग-स्तरः शून्यः अस्ति, अन्ये अधिकांशाः कर्मिणः निरन्तरं प्रशिक्षण-आदर्शान् पूरयन्ति।
मिशन-कर्मयोगी-प्रशिक्षणे अनेक-जनपदेषु उल्लेखनीयः प्रदर्शनः दृश्यते। बागपत-जनपदे ९७.२४ प्रतिशतं कर्मिणः चत्वारः अधिकाः पाठ्यक्रमा: पूर्णीकृतवन्तः, संतकबीरनगर-जनपदे ९७.१३ प्रतिशतम्, मथुरा-बस्ती-जनपदयोः ९५.६८ प्रतिशतम्, बाराबंकी-जनपदे ९४.९५ प्रतिशतम्, श्रावस्ती-जनपदे ९४.२१ प्रतिशतम्, सिद्धार्थनगर-जनपदे ९२.९४ प्रतिशतम्। अलीगढ़-जनपदे ९४.२२ प्रतिशतम्, वाराणसी-जनपदे ९१.०९ प्रतिशतम्, लखनऊ-जनपदे ८९.७० प्रतिशतम् तथा प्रयागराज-जनपदे ८७.०९ प्रतिशतं कर्मिणः प्रशिक्षणं पूर्णीकृतवन्तः।
डिजिटल-तथा कार्यकुशल-प्रशासनाय बलम्
राज्य-सर्वकारस्य प्रवक्तानुसारं सर्वकारः पूर्वमेव डिजिटल-मॉनिटरिंग, ई-ऑफिस-व्यवस्था, तकनीक-आधारित-शिक्षा-प्रबन्धनं तथा ऑनलाइन-प्रशिक्षण-प्रणालीं तीव्रगत्या अग्रे नयति। अधुना मिशन-कर्मयोगी-माध्यमेन कर्मिणां क्षमता-वृद्धिः तथा कार्य-संस्कृतेः सुदृढीकरणं क्रियते।
Hindusthan Samachar / Divya Ranjan