लखनऊनगरम्, २२ मे-मासः (हि.स.)। भारतीय जनता-पक्षस्य प्रदेशाध्यक्षः तथा केंद्रीय-वित्त-राज्यमंत्री पंकज-चौधरी शुक्रवासरे उक्तवान् यत् कांग्रेस-पक्षस्य प्रदेशाध्यक्षेन अजय-रायेन प्रधानमन्त्री-नरेन्द्र-मोदी-सम्बन्धिनं कृतं वक्तव्यं अत्यन्तं निन्दनीयम्, दुर्भाग्यपूर्णं तथा च कांग्रेस-पक्षस्य निराश-मानसिकतां प्रदर्शयति।

चौधरी उक्तवान् यत् कांग्रेस-नेतृत्वं तत्-वक्तव्य-विषये अविलम्बं सार्वजनिक-रूपेण क्षमां याचेत तथा च स्व-पक्षीय-नेतृभ्यः संयमितां मर्यादितां च भाषां प्रयोगितुं निर्देशं दद्यात्।

तेन उक्तं यत् इदं वक्तव्यं केवलं प्रधानमन्त्री-सम्बन्धि न, अपितु देशस्य १४०-कोटि-जनानां भावनानाम् अपि अपमानम् अस्ति, ये प्रधानमन्त्रीं नरेन्द्र-मोदीं देशस्य विकासस्य, सुरक्षायाः तथा सम्मानस्य प्रतीकरूपेण पश्यन्ति।

तेन अजय-रायस्य वक्तव्यं निम्नस्तरीयम् इति वर्णयित्वा उक्तं यत् कांग्रेस-पक्षः अधुना राजनीतिकदृष्ट्या पूर्णतया दिशाहीनः तथा जनसमर्थन-विहीनः जातः अस्ति। यदा जनानां मध्ये विकास-प्रशासन-गरीब-कल्याण-राष्ट्रनिर्माण-जनहितादिषु विषयेषु वक्तुं किञ्चित् अपि न शेषः भवति, तदा तेषां नेतारः व्यक्तिगत-टिप्पणीभिः अपमानजनक-भाषया च स्व-कुण्ठां प्रकटयन्ति।

भाजपा-प्रदेशाध्यक्षः पुनः उक्तवान् यत् अतीव दुर्भाग्यपूर्णं यत् यं प्रधानमन्त्री अजय-रायस्य अस्वस्थतायां सार्वजनिक-रूपेण शीघ्र-आरोग्य-प्रार्थनां कृतवान्, तमेव संवेदनशीलं जनसेवायां समर्पितं च प्रधानमन्त्रीं प्रति अधुना कांग्रेस-नेतारः अमर्यादित-शब्दान् प्रयुञ्जते। कांग्रेसस्य कथिता “मोहब्बत-दुकान” इत्यस्य वास्तविकं स्वरूपं अधुना देशस्य पुरतः स्पष्टतया उद्घाटितम् अस्ति; तेषां वाक्येषु कटुता, व्यवहारः अहंकारः, राजनीतौ च केवलं विभाजनं नकारात्मकता च दृश्यते।

Hindusthan Samachar / Divya Ranjan