नागपुरम्, २२ मे-मासः। राष्ट्रीय-स्वयंसेवक-संघस्य कार्यकर्तृ-विकास-वर्गः (द्वितीय-वर्षः) समापन-समारोहः चतुर्थे जून-मासे नागपुर-नगरस्य रेशीमबाग-स्थिते डॉ. हेडगेवार-स्मृति-भवन-परिसरे आयोजयिष्यते।

अस्मिन् महत्वपूर्णे कार्यक्रमे देशस्य प्रसिद्धः उद्योगपतिः पद्मभूषण-सम्मानितः श्रीकुमारमंगलम् बिरला मुख्यातिथिरूपेण उपस्थितः भविष्यति। समारोहस्य मुख्य-उद्बोधनं संघस्य सरसंघचालकः डॉ. मोहन-भागवतः करिष्यति। एषा सूचना संघस्य आधिकारिक-सामाजिक-माध्यम-प्लेटफॉर्म-इत्यत्र ‘एक्स’ इत्यत्र शुक्रवासरे प्रकाशिता।

एषः विशेष-प्रशिक्षण-वर्गः ११ मे-मासात् नागपुरे प्रचलति, यस्मिन् देशस्य विविधेभ्यः प्रान्तेभ्यः आगताः चयनिताः स्वयंसेवकाः भागं गृह्णन्ति। प्रायः पञ्चविंशति-दिनपर्यन्तं प्रचलति अस्मिन् प्रशिक्षण-शिविरे स्वयंसेवकेभ्यः वैचारिक-शारीरिक-सांगठनिक-क्षमतायाः गहनं प्रशिक्षणं दीयते। संघस्य अनुसारं अस्य वर्गस्य उद्देश्यं कार्यकर्तृषु नेतृत्व-क्षमता, अनुशासनं तथा संगठनात्मक-कौशलस्य विकासः अस्ति।

समारोहस्य मुख्य-आकर्षणानि—मुख्यातिथि: पद्मभूषण-श्रीकुमारमंगलम् बिरला मुख्यवक्ता डॉ.मोहन-भागवतः, सरसंघचालकः विशेष-प्रदर्शनम्: स्वयंसेवकैः कृतः शारीरिक-विन्यासः, समता तथा घोषः (बैंड-वादनम्) समारोहे संघस्य वरिष्ठ-पदाधिकारीणः, विविध-सामाजिक-संस्थानां प्रतिनिधयः तथा नगरस्य अनेकाः गणमान्याः नागरिकाः च उपस्थिताः भविष्यन्ति।

श्रीकुमारमंगलम् बिरलायाः परिचयःश्रीकुमारमंगलम् बिरला देशस्य प्रमुखेषु उद्योगपतिषु गण्यते, तथा च अद्यतनकाले आदित्य-बिरला-समूहस्य अध्यक्षः अस्ति। तस्य जन्म १४ जून १९६७ तमे वर्षे अभवत्। सः मुंबई-विश्वविद्यालयात् वाणिज्य-स्नातकपदम् (बी.कॉम.) तथा लण्डन-बिज़नेस-विद्यालयतः एम.बी.ए. उपाधिं प्राप्तवान्। चार्टर्ड-अकाउंटेण्ट-रूपेण प्रशिक्षितः सः २८-वयस्कः सन् पितुः आदित्य-विक्रम-बिरलस्य निधनानन्तरं समूहस्य नेतृत्वं स्वीकृतवान्।

तस्य नेतृत्वे आदित्य-बिरला-समूहस्य व्यापारः २ बिलियन-अमेरिकी-डॉलरतः वर्धमानः ६५ बिलियन-अमेरिकी-डॉलरात् अधिकः अभवत्। तस्य मार्गदर्शने हिंडाल्को, ग्रासिम, अल्ट्राटेक-सीमेंट, तथा वोडाफोन-आइडिया इत्यादयः संस्थाः वैश्विक-स्तरे ख्यातिं प्राप्तवत्यः। भारत-सर्वकारेण सः २०२३ तमे वर्षे देशस्य तृतीय-सर्वोच्च-नागरिक-सम्मानः ‘पद्म-भूषणः’ इति अलङ्कृतः। सः बिट्स-पिलानी-विश्वविद्यालयस्य चांसलरः तथा आईआईएम-अहमदाबाद-संस्थायाः पूर्व-अध्यक्षः अपि आसीत्।

Hindusthan Samachar / Divya Ranjan