देहरादूनम्, 22 मईमासः (हि. स.)। मन्त्रिमण्डलमन्त्री गणेशजोशीः शुक्रवासरे आपदाप्रभावितस्य सरखेतक्षेत्रस्य भ्रमणं कृत्वा तत्र प्रचलमानानां सुरक्षात्मक-विकासकार्याणां स्थलीयनिरीक्षणं कृतवान्।

तेन अधिकारिभ्यः आगामिनः वर्षाकालस्य दृष्ट्या सुरक्षाकार्याणि प्राथमिकतायाः आधारेण शीघ्रं सम्पन्नानि कर्तुं निर्देशाः प्रदत्ताः, येन स्थानीयजनानां कस्यापि प्रकारस्य कठिनतायाः सामना न भवेत्। निरीक्षणस्य समये मन्त्रिणा क्षेत्रे सञ्चितस्य मलवस्य स्थितेः अवलोकनं कृतम् तथा सम्बद्धाधिकारिभ्यः तत्क्षणमेव चौनेलाइजेशन-कार्यस्य प्रारम्भार्थं निर्देशाः प्रदत्ताः। तेन उक्तं यत् वर्षाकालात् पूर्वं सर्वाणि आवश्यकसुरक्षाकार्याणि समयबद्धरूपेण पूर्णानि क्रियन्ताम्, येन भविष्ये सम्भावितायाः आपदायाः कारणेन भवितुं शक्यमानं नुकसानं न्यूनीकर्तुं शक्येत।

मन्त्रिमण्डलमन्त्रिणा सरखेतक्षेत्रे मलव-चौनेलाइजेशन तथा अन्येषां सुरक्षात्मककार्याणां कृते विधायकनिधेः माध्यमेन ५ तः १० लक्षरूप्यकपर्यन्तं धनराशेः उपलब्धतायाः विषये उक्तम्। तेन अधिकारिभ्यः परस्परसमन्वयेन सह तीव्रगत्या कार्यं कर्तुं निर्देशाः प्रदत्ताः तथा उक्तं यत् प्रदेशसरकारः आपदाप्रभावितक्षेत्राणां सुरक्षा-पुनर्वासयोः विषये पूर्णतया गम्भीरा अस्ति तथा जनहितसम्बद्धेषु कार्येषु कस्यापि प्रकारस्य प्रमादः स्वीकृतः न भविष्यति।

अस्मिन् अवसरे जिलापञ्चायत्सदस्यः वीरसिंहचौहानः, अपरजिलाधिकारी केकेमिश्रः, सिंचाईविभागस्य ईई दीक्षान्तगुप्तः, तहसीलदारः सुरेन्द्रसिंहः, ग्रामप्रधानः सागरपंवारः, बालमसिंहः, पञ्चमसिंहरावतः, विशालपंवारःइत्येभिः सहिताः अन्ये जनाः उपस्थिताः आसन्।

Hindusthan Samachar / Dheeraj Maithani