नवदिल्ली, 23 मईमासः (हि.स.)।

दिल्लीसरकारः राजधानीस्थितान् सर्वान् पंजीयककार्यालयान् आधुनिकान्, भ्रष्टाचारमुक्तान् तथा अनावश्यकविलम्बरहितान् कृत्वा पारदर्शिनः, तकनीकाधारितान् तथा नागरिकानुकूलान् निर्मातुं दिशि महत्त्वपूर्णं पदक्षेपं ग्रहीतुं सज्जा अस्ति।

मुख्यमन्त्री उक्तवान् यत् राजधानीस्थितानामुपपंजीयककार्यालयानां कार्यसंस्कृतिः परिवर्तिता भवेत् तथा तत्र सम्पत्तिपञ्जीकरणार्थम् आगच्छन्तः जनाः कस्यापि प्रकारस्य समस्यायाः, भ्रष्टाचारस्य, वंचकसंस्कृतेः अथवा अनावश्यकविलम्बस्य सामना न कुर्वन्तु। सर्वकारस्य उद्देश्यं राजधानीस्थितान् पंजीयककार्यालयान् आधुनिकान्, पारदर्शिनः, तकनीकाधारितान् तथा नागरिकानुकूलसेवाकेन्द्ररूपेण विकसितुं अस्ति, यथा देशे पासपटलसेवाकेन्द्राणां माध्यमेन सुव्यवस्थिताः समयबद्धाश्च सेवाः प्रदीयन्ते।

अस्याः महत्त्वपूर्णायाः योजनायाः कार्यान्वयनार्थं मुख्यमन्त्रिणा समीपे एव सम्बन्धितविभागस्य वरिष्ठाधिकारिभिः सह विशेषोपवेशनस्य आयोजनं कृतम् आसीत्।उपवेशने कतिपयकम्पनीभिः प्रस्तुतिकरणानि अपि प्रदर्शितानि। तत्र सूचितम् आसीत् यत् केषुचित् राज्येषु तकनीकाधारितव्यवस्था, प्रशिक्षितकर्मचारिणः तथा एकीकृतडिजिटलसेवाः इत्येतयोः माध्यमेन नागरिकेभ्यः शीघ्राः, पारदर्शिन्यः तथा समस्यारहिताः सेवाः प्रदातुं शक्यन्ते। अस्मिन् विषये मुख्यमन्त्रिणा सम्बन्धिताधिकारिभिः सह अनेकवारं विचारविमर्शः कृतः, ततोऽनन्तरं एतन्निर्णीतम् यत् दिल्लीसर्वकारेण अपि एतादृशाः पंजीयककार्यालयाः विकसितव्याः, यत्र जनाः अर्थपूर्णाः सेवाः प्राप्नुयुः तथा सरकारस्य राजस्वम् अपि वर्धेत।

मुख्यमन्त्री शनिवासरे विज्ञप्तिं निर्गत्य उक्तवान् यत् राजधानीस्थितेषु उपलेखाकारकार्यालयेषु आगच्छद्भ्यः नागरिकेभ्यः सम्मानजनकाः, पारदर्शिन्यः तथा समयबद्धाः सेवाः प्राप्तव्याः। एतस्यैव उद्देश्याय सरकारः तादृशे प्रतिमाने कार्यं करोति, यस्मिन् दीर्घपङ्क्तयः, अव्यवस्था, तकनीकीबाधाः तथा अनावश्यकहस्तक्षेपः समाप्तुं शक्यते। प्रस्तावितप्रतिमानस्य अन्तर्गतेषु लेखाकारकार्यालयेषु नागरिकेभ्यः विमानस्थानकवत् तथा पासपोर्टसेवाकेन्द्रवत् आधुनिकसुविधाः तथा व्यावसायिकसेवानुभवः प्रदातुं योजना अस्ति। सः अवदत् यत् एतेषु प्रतिमानकेन्द्रेषु वातानुकूलितप्रतीक्षालयाः, हेल्पडेस्क, डिजिटलसहायककेन्द्राणि, प्रशिक्षितकर्मचारिणः, पेयजलं, स्वच्छशौचालयाः, स्मार्टटोकनप्रणाली तथा रियलटाइमएप्लीकेशनानुरेखणम् इत्यादयः सुविधाः उपलब्धाः भविष्यन्ति।

मुख्यमन्त्री उक्तवान् यत् एतेषां आधुनिककार्यालयानां दृश्यरूपं अत्युत्तमं भविष्यति तथा तत्र आधुनिकहार्डवेयरसहितं नवीनतमसंस्करणयुक्तं सॉफ्टवेयरप्रणाल्याः उपयोगः भविष्यति। तत्र ऑनलाइनअपॉइंटमेंट, प्रीचेकसेवाः, लाइवएप्लीकेशनानुरेखणं तथा स्मार्टटोकनप्रणाली इत्यादीनां माध्यमेन जनानां प्रतीक्षाकालं न्यूनीकर्तुं सम्पूर्णप्रक्रियायाः अधिकपारदर्शितां च सुनिश्चितुं विशेषबलं दत्तम् अस्ति। सः अवदत् यत् भविष्यस्य आवश्यकतानां दृष्ट्या अत्याधुनिकतकनीकाधारितसुरक्षा तथा सत्यापनतन्त्रे विशेषध्यानं केन्द्रितम् अस्ति। सहैव एआईआधारितफेसरिकग्निशनतकनीकस्य माध्यमेन आवेदकानां परिचयस्य सुनिश्चितीकरणं, पृष्ठभूमिसत्यापनं तथा ब्लॉकचेनआधारितअभिलेखसुरक्षायाः कार्यान्वयनस्य व्यवस्था अपि क्रियिष्यते। नूतनव्यवस्थायां सम्पत्तिप्रपत्राणि कलहरहितानि कर्तुं, कूटकर्मनिरोधाय तथा विवादन्यूनतायै डिजिटलअभिलेखप्रबन्धनम्, जियोफेंसिंग तथा सुरक्षितडेटाइंटीग्रेशन इत्यादीनां आधुनिकतकनीकानां उपयोगः करिष्यते। निजसहभागितानां साहाय्येन नूतनप्रीमियमपरारूपपंजीयककेन्द्राणां वैधानिकाधिकारः तथा अन्तिमनिर्णयशक्तिः पूर्णतया सर्वकारीअधिकारिणाम् अधीन एव भविष्यति।

मुख्यमन्त्री एतदपि अवदत् यत् एतेषां आधुनिककार्यालयानां कृते पारदर्शिप्रक्रियया स्थापितानां अनुभवीसंस्थानां चयनं करिष्यते। अस्य लाभः अपि भविष्यति यत् वर्तमानोपपंजीयककार्यालयेषु जनसमूहो न्यूनः भविष्यति, येन सरकारीअधिकारिणः मुख्यप्रशासनिककार्येषु अधिकं ध्यानं केन्द्रितुं शक्नुवन्ति। नूतनकार्यालयानां सञ्चालनात् तत्र दलालानां मध्यस्थानां च प्रभावात् मुक्तिर्भविष्यति, सहैव राजस्वचौर्यं, सम्पत्तीनां मिथ्यामूल्याङ्कनम्, लम्बितदस्तावेजानां अनुशीलने कठिनता तथा कूटप्रपत्राणां जोखिमः अपि समाप्तः भविष्यति।

---------------

Hindusthan Samachar / Dheeraj Maithani