धार, 23 मईमासः (हि.स.)। मध्यप्रदेशस्य उच्चन्यायालयस्य निर्णयानन्तरं विश्वहिन्दूपरिषदः पूर्वराष्ट्रियोपाध्यक्षः हुकुमचन्दसावला शनिवासरे ऐतिहासिकभोजशालां प्राप्तवान्, यत्र तेन दर्शनं पूजनं च कृतम्। पश्चात् तेन धारभोजशाला आस्थायाः ज्ञानस्य च प्राचीनपरम्परायाः प्रतीकं कथिता।

तेन उक्तं यत् एतत् केवलम् ऐतिहासिकस्थलं नास्ति, अपितु प्राचीनकाले शिक्षायाः संस्कृतेश्च प्रमुखकेन्द्रम् आसीत्। सावलस्य अनुसारं भोजशाला मूलरूपेण मातुः सरस्वत्याः दिव्यमन्दिरम् आसीत्, यत्र प्राचीनकाले विविधविधाशिक्षा प्रदीयते स्म।

भोजशालायाः प्रस्तराः संरक्षणं च स्वयमेव मन्दिरस्वरूपत्वस्य प्रमाणं प्रस्तुतयन्ति तथा इतिहासः अस्य स्थानस्य वास्तविकपरिचयं प्रदर्शयति। अस्मिन् समये तेन परिसरस्य निरीक्षणं कुर्वता उक्तं यत् जनभावनानाम् अनुरूपं भविष्ये अत्र मातुः सरस्वत्याः वाग्देव्याः च एकस्य भव्यस्य मन्दिरस्य निर्माणं कारयिष्यते।

शनिवासरे श्रद्धालवः बहुसंख्यया भोजशालां प्राप्य पूजार्चनां कुर्वन्ति। श्रद्धालूनां निरन्तरागमनं दृष्ट्वा सुरक्षाव्यवस्था अत्यन्तं सुदृढा कृता अस्ति।

-------------

Hindusthan Samachar / Dheeraj Maithani