सिंगरौलीनगरम्, २३ मे-मासः (हि.स.)। मध्यप्रदेशस्य मुख्यमन्त्री डॉ.मोहनयादवः अद्य शनिवासरे सिंगरौलीजनपदस्य प्रवासे आगच्छति। सः सिंगरौलीजनपदाय कोटिशः रूप्यकाणां विकासकार्याणां उपहारं दास्यति तथा भव्यस्य ‘सिंगरौली-महोत्सवस्य’ शुभारम्भं करिष्यति।

निर्धारित-कार्यक्रमानुसारं मुख्यमन्त्री अपराह्णे १:३० वादने एनसीएल-भूमिक्षेत्रस्य हेलिपेड-संस्थात्रम् आगमिष्यति। ततः परं सः क्रीडासङ्कुलस्य भूमिपूजनं करिष्यति तथा भाजपाकार्यालये दलस्य पदाधिकाऱिभिः सह सभायां सहभागं करिष्यति। अनन्तरं मुख्यमन्त्री एनटीपीसी-संस्थायाः उमङ्गभवने आयोजिते मुख्यकार्यक्रमे जनपद-विकासार्थं ५१३ कोटिरूप्यक-व्यययुक्तानां विविधपरियोजनानां भूमिपूजनं लोकार्पणञ्च करिष्यति।

मुख्यमन्त्री सूर्या-अतिथिगृहे सिंगरौल्याः प्रमुखोद्योगानां प्रतिनिधिभिः सह चर्चां कृत्वा जनपदस्य औद्योगिकविकासस्य सम्भावनासु विचारविमर्शं करिष्यति। तदनन्तरं सायंकाले मुख्यमन्त्री राजमाता चुनकुमारी-क्रीडाङ्गणम् आगमिष्यति, यत्र सः जनपदस्थापनादिवसस्य उपलक्ष्ये आयोजितस्य सिंगरौली-महोत्सवस्य दीपप्रज्वलनपूर्वकं विधिवदुद्घाटनं करिष्यति। अस्मिन् अवसरे मुख्यमन्त्री सामान्यजनान् अपि सम्बोधयिष्यति।

महोत्सवस्य सायं सांस्कृतिकवर्णैः समलङ्कृता भविष्यति, यस्मिन् स्थानीयकलाकाराणां प्रस्तुतयः भविष्यन्ति तथा सुप्रसिद्धगायकः कैलाशखेरः स्वसुरमाधुर्यं प्रसारयिष्यति। मुख्यमन्त्री सिंगरौलिनगरे एव रात्रिविश्रामं करिष्यति तथा अपरस्मिन् दिने २४ मे-मासे प्रातः ८ वादने प्रस्थानं करिष्यति।

Hindusthan Samachar / Divya Ranjan