नवदिल्ली, २३ मे-मासः (हि.स.)। लोकसभाध्यक्षः ओम्-बिरला तथा केन्द्रीय-गृहमन्त्री अमित-शाहः इत्येतै: सह अनेके केन्द्रीय-मन्त्रिणः, मुख्यमन्त्रिणः राजनेतारश्च शनिवासरे भारतीय-जनता-पक्षस्य (भाजपा) राष्ट्रीयाध्यक्षाय राज्यसभा-सांसदाय नितिन-नवीनाय जन्मदिवसस्य अवसरे शुभकामनाः प्रदत्तवन्तः तथा तस्य उत्तम-स्वास्थ्यस्य कामनां कृतवन्तः।

लोकसभाध्यक्षः ओम्-बिरला ‘एक्स्’ इति सामाजिक-माध्यमे उक्तवान् — “कुशल-सङ्घटकाय राज्यसभा-सांसदाय नितिन-नवीनाय जन्मदिवसस्य हार्दिक-शुभकामनाः। ईश्वरात् भवतः उत्तम-स्वास्थ्यस्य, समृद्धेः यशस्वि-जीवनस्य च कामनां करोमि।”

रक्षामन्त्री राजनाथ-सिंहः उक्तवान् यत् स्वभावेन सरलः सहजश्च नितिन-नवीनः शासन-सङ्घटनयोः उभयत्र कार्यकरणस्य उत्तमम् अनुभवम् अस्ति। स्वस्य उत्कृष्ट-सङ्घटन-कौशलेन सौम्य-व्यक्तित्वेन च सः भाजपायाः कोटिशः कार्यकर्तॄणां स्नेहं विश्वासं च अर्जयितुं सफलः भवति। अहं तस्य दीर्घायुषः उत्तम-स्वास्थ्यस्य च ईश्वरात् प्रार्थनां करोमि।

केन्द्रीय-गृहमन्त्री अमित-शाहः उक्तवान् यत् नितिन-नवीनस्य सरल-व्यक्तित्वं, सङ्घटनं प्रति समर्पणं कार्यकर्तृषु सेवा-कर्तव्य-भावस्य वर्धनाय सतत-प्रयत्नश्च दलं अधिकं सशक्तं करिष्यति। ईश्वरात् तस्य उत्तम-स्वास्थ्यस्य, दीर्घायुषः सफल-जीवनस्य च कामनां करोमि।

केन्द्रीय-सड़क-परिवहन-राजमार्गमन्त्री नितिन-गडकरी स्वस्य शुभकामना-सन्देशे उक्तवान् यत् ईश्वरात् नितिन-नवीनस्य उत्तम-स्वास्थ्यस्य, दीर्घायुषः मङ्गलमय-जीवनस्य च प्रार्थनां करोमि।केन्द्रीय-वस्त्र-मन्त्री गिरिराज-सिंहः उक्तवान् यत् नितिन-नवीनस्य सरल-व्यक्तित्वं, दूरदर्शि-नेतृत्वं सङ्घटनं प्रति अटूट-समर्पणं च कोटिशः कार्यकर्तॄणां कृते प्रेरणा-स्रोतः अस्ति। ईश्वरात् भवतः उत्तम-स्वास्थ्यस्य, दीर्घायुषः यशस्वि-जीवनस्य च कामनां करोमि।

विदेश-वस्त्र-राज्यमन्त्री पबित्रा-मार्गेरिटा उक्तवती यत् नितिन-नवीनस्य ऊर्जस्वि-नेतृत्वं, सङ्घटनं सशक्तं कर्तुं क्षमता, कार्यकर्तृभिः सह तस्य निरन्तरः संवादश्च अस्माकं सर्वेषां कृते प्रेरणा-स्रोतः अस्ति। राष्ट्रहितं जनसेवां च प्रति तस्य समर्पणं भाजपायाः कार्य-संस्कृतिं निरन्तरं नूतनां दिशं प्रददाति।

दिल्ली-राज्यस्य मुख्यमन्त्री रेखा-गुप्ता उक्तवती यत् नितिन-नवीनस्य दूरदर्शिनी-चिन्तन-शैली समर्पित-कार्य-प्रणाली च सङ्घटनं निरन्तरं सशक्तं करोति। तस्य प्रेरणादायकं मार्गदर्शनं सर्वेभ्यः कार्यकर्तृभ्यः नूतनाम् ऊर्जा, उत्साहं राष्ट्रसेवां प्रति समर्पणस्य प्रेरणां च ददाति। रेखा-गुप्ता नितिन-नवीनस्य दीर्घायुषः कृते परमात्मानं प्रति प्रार्थनां कृतवती।

राजस्थानस्य मुख्यमन्त्री भजनलाल-शर्मा उक्तवान् यत् प्रभु-श्रीरामात् भाजपायाः राष्ट्रीयाध्यक्षस्य राज्यसभा-सांसदस्य कुशल-सङ्घटकस्य कर्तव्यनिष्ठस्य कर्मठ-नेतुः नितिन-नवीनस्य दीर्घायुषः उत्तम-स्वास्थ्यस्य च कामनां करोमि।

छत्तीसगढस्य मुख्यमन्त्री विष्णुदेव-सायः उक्तवान् यत् भवतः कुशल-नेतृत्वेन, दूरदर्शिनी-चिन्तया उत्कृष्ट-साङ्घटनिक-क्षमतया च दलं निरन्तरं नूतन-ऊर्जया, सुदृढतया जनविश्वासेन च अग्रे गच्छति। भवतः मार्गदर्शनं सदैव राष्ट्रसेवायै सङ्घटनस्य नूतन-उन्नतिं प्रति च प्रेरणां ददातु।

Hindusthan Samachar / Divya Ranjan