जौनपुरम्, 23 मईमासः (हि.स.)। उत्तरप्रदेशसर्वकारस्य कैबिनेटमन्त्री तथा भाजपायाः पूर्वप्रदेशाध्यक्षः स्वतंत्रदेवसिंहः शनिवासरे जौनपुरे आयोजिते कार्यकर्तृप्रशिक्षणकार्यक्रमे माध्यमप्रतिनिधिभिः सह संवादकाले उक्तवान् यत् भाजपायाः संगठनं वर्षस्य त्रिषष्ट्यधिकत्रिशतदिनानि निरन्तरं सक्रियं तिष्ठति। तेन उक्तं यत् द्विदिवसीयं प्रशिक्षणकार्यक्रमम् अपि तस्याः सक्रियसंगठनात्मकव्यवस्थायाः एव अंशः अस्ति। अस्मिन् अवसरे कार्यकर्तारः रात्रिविश्रामम् अपि करिष्यन्ति।

स्वतंत्रदेवसिंहः अवदत् यत् भाजपादलं अन्येभ्यः राजनैतिकदलेभ्यः पूर्णतया भिन्नम् अस्ति। तेन प्रतिपादितं कृतं यत् वर्षे २०१४ तमे प्रधानमन्त्रिणा नरेंद्रमोदिना प्रदत्तः “कांग्रेसमुक्तभारत” इति घोषः अधुना वास्तविकतारूपेण परिणतः अस्ति। सः अवदत् यत् देशे वंशवादराजनीतिः प्रायः समाप्ता अभवत् तथा वर्षे २०२७ तमे “समाजवादीपार्टीमुक्त” इति घोषः भविष्यति। तेन उक्तं यत् भाजपादलं केवलं निर्वाचनकाले सक्रियं न भवति, अपितु सम्पूर्णवर्षं जनसामान्यस्य मध्ये स्थित्वा कार्यं करोति।

समाजवादीपार्टीदलस्य राष्ट्रियाध्यक्षेन अखिलेशयादवेन विधिव्यवस्थाविषये उत्थापितानां प्रश्नानां प्रत्युत्तरं दत्त्वा मन्त्रिणा उक्तं यत् समाजवादीपार्टीसर्वकारस्य काले नियुक्तिविज्ञापननिर्गमनेन सहैव भ्रष्टाचारस्य आरोपाः आरभन्ते स्म, किन्तु वर्तमानसरकारेण नवलक्षाधिकनियुक्तयः पारदर्शिरूपेण कृताḥ। कुत्रापि भ्रष्टाचारसम्बद्धा शिकायतः न प्राप्ता अस्ति। जलशक्तिमन्त्रिणा कृषकाणां कोषेषु प्रत्यक्षरूपेण कोटिशः रूप्यकाणां प्रेषणस्य अपि उल्लेखः कृतः।

मन्त्रिणा उक्तं यत् पूर्वं बुन्देलखण्डादिषु क्षेत्रेषु रेलयानद्वारा जलं प्राप्यते स्म तथा महिलाभिः दूरदूरात् जलम् आनयितुं बाध्यता आसीत्। अधुना गृहं गृहं प्रति नलमार्गेण जलं प्राप्यते। तेन उक्तं यत् यत्र यत्र जलटङ्कीनां पतनसम्बद्धाः घटनाः प्रकाशं प्राप्नुवन्ति, तत्र तत्र अभियोगः पञ्जीकृतः क्रियते। दोषिणः कारागारं प्रेष्यन्ते तथा संस्थाः ब्लैकलिस्टमध्ये स्थाप्यन्ते इत्यादिकार्यवाह्यः अपि क्रियन्ते।

Hindusthan Samachar / Dheeraj Maithani