कटिहारः, 23 मईमासः (हि.स.)।

भारतीयजनतापक्षस्य जिलाध्यक्षस्य मनोजरायस्य अध्यक्षतायां कटिहारनगरस्य रामदरबारे द्विदिवसीयः ‘पण्डितदीनदयालउपाध्यायजिलाप्रशिक्षणवर्गमहाअभियानः’ आयोजितः। अस्मिन् विशेषप्रशिक्षणवर्गे मुख्यातिथिरूपेण बिहारसरकारस्य राजस्वभूमिसुधारमन्त्री डॉ. दिलीपजायसवालः सहभागी अभवत्।

उद्घाटनसत्रस्य अवसरस्य मंचे प्रदेशमहामन्त्री राधामोहनशर्मा, जिलाप्रभारी प्रफुल्लरंजनवर्मा, पूर्वोपमुख्यमन्त्री तारकिशोरप्रसादः, प्राणपुरविधायिका निशासिंहः, कोढ़ाविधायिका कवितापासवानः, प्रदेशप्रवक्त्री प्रीतिशेखरः, पूर्वसांसदः निखिलकुमारचौधरी, पूर्वविधानपार्षदः राजवंशीसिंहः तथा पूर्वजिलाध्यक्षः डॉ. एस. एन. पोद्दारः मुख्यरूपेण उपस्थिताः आसन्।

प्रशिक्षणं कार्यकर्तृषु नूतनाम् ऊर्जां पूरयति : डॉ. जायसवालः

‘सरकारस्य गरीबकल्याणयोजनाः तथा तेषां क्रियान्वयने संगठनस्य भूमिका’ इति विषये वक्तव्यं कुर्वन् मुख्यातिथिः डॉ. दिलीपजायसवालः अवदत् यत् पण्डितदीनदयालउपाध्यायस्य अन्त्योदयस्य राष्ट्रप्रथमस्य च विचाराः अद्यापि अस्माकं सर्वेषां कृते प्रेरणास्रोताः सन्ति। संगठनस्य सुदृढता, सेवाभावः जनसम्पर्कश्च भारतीयजनतापक्षस्य वास्तविकशक्तिः अस्ति। तेन सरकारस्य संगठनस्य च मध्ये उत्तमसमन्वयः, सेवा, समर्पणं संगठनात्मकसुदृढता च इत्येषु विशेषबलं दत्त्वा कार्यकर्तॄणां मार्गदर्शनं कृतम्।

संगठनस्य शक्तिः एव सर्वात् बृहत् पूंजी : राधामोहनशर्मा

तथैव प्रदेशमहामन्त्री राधामोहनशर्मा स्वसत्रे विचारान् प्रस्तूय अवदत् यत् कार्यकर्तॄणाम् उत्साहः, अनुशासनं राष्ट्रहितस्य प्रति समर्पणं च एतत् दर्शयति यत् संगठनस्य शक्तिः एव अस्माकं सर्वात् बृहत् पूंजी अस्ति। तेन सर्वान् सहकार्येण अन्त्योदयस्य राष्ट्रनिर्माणस्य च संकल्पं अधिकं सुदृढं कर्तुं आह्वानं कृतम्।

प्रथमदिने विभिन्नेषु सत्रेषु वैचारिकी सूचना प्रदत्ता

द्विदिवसीयस्य प्रशिक्षणवर्गस्य प्रथमदिने पूर्वप्रदेशमन्त्री स्वदेशयादवः, जिलाप्रभारी प्रफुल्लरंजनवर्मा, पूर्वएमएलसी राजवंशीसिंहः सहिताः अनेकाः प्रमुखवक्तारः विभिन्नेषु सत्रेषु निर्धारितविषयेषु उपस्थितकार्यकर्तॄन् प्रशिक्षितवन्तः।

अस्मिन् महत्त्वपूर्णे सांगठनिककार्यक्रमे जिलामहामन्त्री रामनाथपाण्डेयः, गोविन्दाधिकारी, सौरभकुमारमालाकारः सहिताः जिल्लायाः सर्वे पदाधिकारी, जिलाकार्यसमितेः सदस्याः, विधानसभा प्रभारी, संयोजकाः, मण्डलाध्यक्षाः, मण्डलमहामन्त्रीणः, मण्डलप्रभारीणः, भारतीयजनतापक्षस्य सर्वेषां सप्तमोर्चानाम् अध्यक्षाः तथा सर्वेषां षोडशप्रकोष्ठानां संयोजकाः मुख्यरूपेण उपस्थिताः आसन्।

Hindusthan Samachar / Dheeraj Maithani