राजगढम्, 23 मईमासः (हि.स.)।

मध्यप्रदेशस्य राजगढ़जनपदस्य सारंगपुरक्षेत्रस्य हरानाग्रामस्थिते हनुमन्मन्दिरपरिसरे शनिवासरात् सप्तदिवसीयस्य श्रीरामकथायाः तथा श्रीराममहायज्ञस्य विधिवत् शुभारम्भः अभवत्। आयोजनस्य प्रारम्भः भव्यशोभायात्रया सह अभवत्, यस्मिन् बहुसंख्याकाः ग्रामवासिनः उत्साहपूर्वकं सहभागितां कृतवन्तः। वैदिकमन्त्रउच्चारणस्य मध्ये मुख्ययजमानानां यज्ञोपवीतसंस्कारः सम्पन्नः तथा विश्वकल्याणस्य कामनया सह यज्ञः प्रारब्धः।

अस्य महायज्ञस्य सञ्चालनं यज्ञाचार्यः पण्डितमोहनलालव्यासः तथा पण्डितपंकजव्यासः कुर्वन्ति। मुख्ययजमानः कैलाशपटेलः, नाथूलालचौधरी सहिताः अन्ये यजमानाः क्षेत्रस्य सुखसमृद्ध्यर्थम् आहुतयः समर्पयन्ति। सम्पूर्णे क्षेत्रे भक्तिमयं वातावरणं निर्मितम् अस्ति तथा यज्ञशालायाः परिक्रमार्थं श्रद्धालूनां विशालजनसमूहः समागच्छति। त्रयोविंशतितः नवविंशतिमेपर्यन्तं प्रचलिते अस्मिन् धार्मिकोत्सवे प्रतिदिनं रात्रौ अष्टवादनात् एकादशवादनपर्यन्तं पण्डितदीपकउपाध्यायेन भगवान् श्रीरामस्य तथा श्रीकृष्णस्य जीवनप्रसङ्गाधारिताः प्रवचनाः प्रदास्यन्ते, येन श्रद्धालवः धर्मस्य, भक्तेः तथा संस्काराणां बोधं प्राप्स्यन्ति।

कथाश्रवणार्थं केवलं हरानाग्रामात् एव न, अपितु समीपवर्तीग्रामेभ्यः अपि बहुसंख्याकाः श्रद्धालवः आगमिष्यन्ति इति सम्भावना वर्तते। हरानास्थितं श्रीरामजानकीमन्दिरं क्षेत्रस्य प्रमुखम् आस्थाकेन्द्रम् अस्ति। अत्र संवत् १९८९ तः निरन्तरम् अखण्डरामचरितमानसपाठः तथा घृतस्य अखण्डज्योतिः प्रज्वलिता अस्ति। ग्रामवासिनां अनुसारम् प्रतिवर्षं गंगादशम्यां अत्र विशालधार्मिकअनुष्ठानस्य परम्परा निर्वह्यते। आयोजनसमित्या सूचितं यत् सप्तदिवसीयस्य अनुष्ठानस्य समापनं नवविंशतिमे शुक्रवासरे पूर्णाहुत्या तथा महाप्रसादवितरणेन सह भविष्यति।

---------------

Hindusthan Samachar / Dheeraj Maithani