Enter your Email Address to subscribe to our newsletters
पूर्व मेदिनीपुरम्, 24 मईमासः (हि. स.)।जिलायाः मयनाखण्डे भाजपायुवमोर्चया ग्रामे ग्रामे शिविराणि स्थापयित्वा महिलाः अन्नपूर्णायोजनया सह संयोजयितुं पहल आरब्धा अस्ति। तिलखोजा, गोजिना इत्यादिषु अनेकबूथेषु कार्यकर्तारः एतत् परीक्षन्ते यत् महिलानां बैंकखातानि डीबीटी (डायरेक्ट बेनिफिट ट्रान्सफर) इत्यनेन सह सम्बद्धानि सन्ति वा न वा।
शिविरेषु महिलाः आधारकार्डं चलदूरवाणीसंख्यां च गृहीत्वा आगच्छन्ति। कार्यकर्तारः ऑनलाइनप्रक्रियया डीबीटी-स्थितेः परीक्षणं कुर्वन्ति। अनेकेषु प्रकरणेषु केवलं कतिपयेषु निमेषेषु सम्बद्धता पूर्णा भवति, यदा तु कासाञ्चित् महिलानां आधारपत्रेण सह चलदूरवाणीसंख्या न सम्बद्धा इति समस्या प्रकाशिता। तादृशेभ्यः जनाभ्यः बैंकं गत्वा चलदूरवाणीसंख्यायाः अद्यतनीकरणं कर्तुं परामर्शः दीयते।
भाजपायुवमोर्चदलस्य कथनम् अस्ति यत् अनेकाभ्यः महिलाभ्यः डीबीटी-प्रक्रियायाः विषये जानकारी नासीत्। अस्य कारणात् २० मई तः ३० मई पर्यन्तं विभिन्नेषु क्षेत्रेषु विशेषशिविराणि आयोज्यन्ते। संगठनस्य अनुसारं वृद्धाः तथा गृहात् बहिः गन्तुं असमर्थाः महिलाः दूरवाण्या अपि सम्पूर्णां सूचनां प्राप्नुवन्ति।
रविवासरे तमलुकसंगठनात्मकजिलायाः युवमोर्चस्य महासचिवः प्रशान्तदासः अवदत् यत् अनेकाः महिलाः केवलम् एतावत् एव जानन्ति स्म यत् डीबीटी-सम्बद्धता आवश्यकाऽस्ति, किन्तु प्रक्रियायाः विषये जानकारी नासीत्। अतः कार्यकर्तारः गृहं गृहं गत्वा साहाय्यं कुर्वन्ति।
स्थानीयनिवासिन्यौ रानीमहतो तथा सीमाबारुई अवदताम् यत् ताभ्यां समाचारमाध्यमेषु डीबीटी-सम्बद्धतायाः विषये श्रुतम् आसीत्, किन्तु प्रक्रिया न ज्ञाता आसीत्। शिविरम् आगत्य प्रक्रिया पूर्णा जातेति ताभ्यां महती सुविधा प्राप्ता।
भाजपानेतारः दावा कुर्वन्ति यत् पूर्वं अनेकासां महिलानां लक्ष्मीभण्डारयोजना स्थगिता अभवत्, या आन्दोलनस्य ज्ञापनस्य च अनन्तरं पुनः प्रारब्धा। अधुना अन्नपूर्णायोजनायां काचिदपि महिला लाभात् वञ्चिता न भवेत्, इत्यर्थं विशेषअभियानं प्रचलति।
---------------
Hindusthan Samachar / Dheeraj Maithani