लखनऊनगरम्, २४ मे-मासः (हि.स.)। बहुजन-समाज-पक्षस्य (बसपा) राष्ट्रीय-अध्यक्षा मायावती रविवासरे उत्तरप्रदेश-विधानसभा-निर्वाचन-२०२७ इत्यस्य तैयार्याः विषये दल-पदाधिकारीभ्यः विजयस्य मन्त्रम् अयच्छत्। तया उक्तं यत् प्रदेशे बसपा-दलस्य पुनः एकवारं सर्वकार-निर्माणार्थं कार्यकर्तारः किमपि न्यूनता न कुर्वन्तु तथा सम्पूर्ण-निष्ठया मतदानस्य संरक्षणं कुर्वन्तु।

बसपा-प्रमुखा मायावती रविवासरे अत्र १२ माल-एवेन्यू-स्थिते दल-मुख्यालये सर्वैः वरिष्ठ-पदाधिकारीभिः, समन्वयकैः तथा जनपदाध्यक्षैः सह सभां कृतवती। बसपा-प्रमुखया उक्तं यत् देशे निर्वाचनानि यथा नूतन-नूतन-समस्यानां मध्ये सम्पन्नानि भवन्ति, तत् दृष्ट्वा दलस्य तैयार्यः सर्वेषु स्तरषु अधिकं सुदृढाः, सजगाः तथा सन्नद्धाः करणीयाः। येन दलस्य पक्षे वर्धमानस्य जन-समर्थनस्य फलस्वरूपं उत्तरप्रदेशे पञ्चमवारं बसपा-सर्वकार-निर्माणस्य लक्ष्यं सुनिश्चितं भवेत्।

बसपा-प्रमुखया उक्तं यत् उत्तरप्रदेश-विधानसभा-निर्वाचनस्य तैयारिषु कस्यापि प्रकारस्य प्रमादः न कर्तव्यः। २००७ वर्षवत् पूर्ण-निष्ठया विरोधिनां सम्मुखिन: करणीयः तथा प्रत्याशिनां चयन-विषये सावधानी अपि आवश्यकाऽस्ति। प्रदेशे बसपा-दलस्य पुनः सर्वकार-निर्माणार्थं कार्यकर्तॄन् प्रति आह्वानं कुर्वती मायावती उक्तवती यत् सम्पूर्ण-जीवन-शक्त्या मतदानस्य संरक्षणं करणीयम्।

मायावती उक्तवती यत् अधुना सम्पन्नेषु पञ्च-राज्यानां विधानसभा-निर्वाचनेषु यत् किमपि अभवत् तथा येन प्रकारेण अभवत्, तस्य संज्ञानं ग्रहणीयम्। उत्तरप्रदेशे, उत्तराखण्डे तथा पञ्जाब-राज्ये आगामि-वर्षे विधानसभा-निर्वाचनं भविष्यति। गत-निर्वाचनात् शिक्षां गृहीत्वा अग्रे गन्तव्यम्, विशेषतः यदा सत्ताधारी-दलानि सर्वकाराश्च वचनानां पूर्तौ तथा अन्यैः उपायैः अभूतपूर्व-रीत्या निर्वाचनं प्रभावितुं सफलाः भवन्ति। अनन्तरं ते जनहितकारी-शासनस्य स्थाने जनानां ध्यान-भ्रंशकारी-क्रियासु अधिकं ध्यानं यच्छन्ति, येन जनाः स्वयम् अत्यन्तं वंचिताः अनुभवन्ति, किन्तु तदा तस्य लाभः कः, यदा अवसरः गतः भवति।

बसपा-प्रमुखया उक्तं यत् विविध-दलानि निर्वाचन-समये जनहितकारी-जनकल्याणकारी-नीतीनां घोषणां कुर्वन्ति तथा धनस्य अपि व्यापक-वितरणं कुर्वन्ति, किन्तु निर्वाचनानन्तरं स्वेषां वचनानां, घोषणानां तथा कथनानि प्रति उदासीनाः भवन्ति। एतदेव कारणं यत् एतेषां दलानां छलपूर्णया विभाजनकारी-राजनीत्या देशस्य जनहितस्य च यथार्थः लाभः न भवति। जनानां जीवनं निरन्तरं विवशं कष्टपूर्णं च भवति।

मायावती उक्तवती यत् निर्वाचनानन्तरं महार्घता, बेरोजगारी, नूतन-नियमाः, विधयः च इत्यादिभिः जनानां जीवनस्य चिन्ता अधिका क्रियते। एतेन अद्य कोटिशः जनानां कृते सम्मानपूर्वकं जीवनं यापयितुं कठिनं जातम्।

Hindusthan Samachar / Divya Ranjan