प्रयागराजनगरम्, २४ मे-मासः (हि.स.)। अग्रिमे ईद-उल-जुहा (बकरीद) पर्वणि गोवंश-कर्तन-निवारणस्य याचना सततं प्रबला भवति। काशी-मथुरा-अयोध्या-प्रयागराज-पर्यन्तं साधु-सन्ताः बकरीद-समये गोवंश-हत्या न भवेत् इति आग्रहं कुर्वन्ति। अपि च विश्वहिन्दूपरिषदा बकरीद-अवसरे गोवंश-कर्तन-निवारणाय कृतं प्रयत्नं साधु-सन्ताः अपि स्वीकुर्वन्ति। ते च सर्वकारात् अपि एतादृशीं व्यवस्थां कर्तुं याचन्ते, येन गोवंश-कर्तनं न भवेत्।

श्रृङ्गवेरपुर-पीठाधीश्वरः श्रीमद्जगद्गुरुः रामानुजाचार्यः स्वामीनारायणाचार्यः शांडिल्यमहाराजः उक्तवान् यत् विश्वहिन्दूपरिषद् बकरीद-अवसरे गोहत्यां निवारयितुं गो-रक्षक-दलं सज्जीकरोति। सः अवदत् यत् यत्र मुस्लिम-जनसंख्या अधिका अस्ति तेषु क्षेत्रेषु सुरक्षाबलानां नियोजनम् अपि करणीयम्, येन बकरीद-पर्वणि गोवंश-कर्तनं न स्यात्।

शांडिल्य-महाराजेन उक्तं यत् भारत-भूमौ कस्यापि प्रकारेण गोहत्या न उचिता। सः उक्तवान् यत् साधु-सन्ताः विश्वहिन्दूपरिषद: समर्थनं कुर्वन्ति। सः सरकारं प्रति अपि आग्रहं कृतवान् यत् एतादृशान् कठोर-प्रयत्नान् क्रियन्तां, येन बकरीद-अवसरे गोवंश-हत्या सर्वथा न भवेत्।

Hindusthan Samachar / Divya Ranjan