Enter your Email Address to subscribe to our newsletters
नवदिल्ली, २४ मे-मासः (हि.स.)। केन्द्रीय-मत्स्यपालन-पशुपालन-मन्त्री राजीव-रञ्जन-सिंहः उर्फ ललन-सिंहः २५ मे-मासे मिजोरम्-राज्ये ३२.१५ कोटि-रूप्यक-मूल्यानां महत्त्वपूर्णानां मत्स्य-पालन-परियोजनानां शुभारम्भं करिष्यति। एतासां परियोजनानां उद्देश्यं पूर्वोत्तर-क्षेत्रे आधुनिक-स्थायि-आत्मनिर्भर-मत्स्य-पालन-व्यवस्थायाः संवर्धनम् अस्ति।
मत्स्यपालन-पशुपालन-दुग्ध-उत्पादन-मन्त्रालयस्य अनुसारम् आइजोल-नगरे “क्षेत्रीय-समीक्षा-सभा : पूर्वोत्तर-क्षेत्रम्-२०२६” इति कार्यक्रमः आयोजितः भविष्यति। अस्मिन् कार्यक्रमे मन्त्री राजीव-रञ्जन-सिंहः “प्रधानमन्त्री-मत्स्य-सम्पदा-योजना” (पीएमएमएसवाई) तथा मत्स्य-जलीय-कृषि-अवसंरचना-विकास-कोषस्य (एफआईडीएफ) अन्तर्गतं विविध-परियोजनानां उद्घाटनं शिलान्यासं च करिष्यति।
मन्त्रालयेन उक्तं यत् एष: प्रयत्न: पूर्वोत्तर-राज्येषु मत्स्य-पालन-क्षेत्रस्य सशक्तीकरणाय तथा स्थानीय-स्तरे रोजगार-आजीविका-अवसराणां वर्धनाय महत्त्वपूर्णः चरणः अस्ति। कार्यक्रमे केन्द्रीयमन्त्री क्षेत्रस्य मत्स्य-पालन-लाभार्थिभ्यः प्रमाणपत्राणि अपि वितरिष्यति। एतेषु मत्स्य-पालन-कृषक-क्रेडिट-कार्ड् (केसीसी), श्रेष्ठ-मत्स्य-पालन-स्टार्टअप् तथा उत्कृष्ट-मत्स्य-सहकारी-समितयः सम्मानिताः भविष्यन्ति।
अस्मिन् अवसरे केन्द्रीय-राज्यमन्त्री एस.पी. सिंह-बघेलः तथा जॉर्ज-कुरियनः अपि उपस्थितौ भविष्यतः। एतदतिरिक्तम् अरुणाचल-प्रदेशः, असमः, मणिपुरम्, मेघालयः, मिजोरम्, नागालैण्डः, सिक्किमः तथा त्रिपुरा-राज्यस्य मत्स्य-पालन-पशुपालन-विभागानां मन्त्रिणः, विभागीय-सचिवाः तथा केन्द्र-राज्य-सर्वकारयोः वरिष्ठ-अधिकारिणः अपि कार्यक्रमे सहभागिनः भविष्यन्ति।
सभायाः मुख्योद्देश्यं पूर्वोत्तर-क्षेत्रे मत्स्य-पालन-पशुपालन-डेयरी-क्षेत्रेषु सञ्चालितानां विविध-योजनानां कार्यक्रमाणां च प्रगतेः समीक्षा अस्ति। सहैव कृषक-कल्याणाय, सतत-क्षेत्रीय-विकासाय तथा ग्रामीण-आजीविकायाः सुदृढीकरणाय भावि-रणनीतिषु चर्चा अपि भविष्यति।कार्यक्रमस्य अवधौ अनेकानां महत्त्वपूर्ण-परियोजनानां प्रयत्नानां च शुभारम्भः अपि भविष्यति। एतेषु बहुउद्देशीय-डेयरी-सहकारी-समितीनां (एमडीसीएस) विस्ताराय ग्राम-स्तरीय-सर्वेक्षणस्य आरम्भः, अफ्रीकी-स्वाइन-ज्वर-जागरूकता-चलच्चित्रस्य विमोचनम्, “सूकर-पालने उत्तम-पशुपालन-पद्धतयः” इति पुस्तिकायाः लोकार्पणम् तथा मिजोरम्-मिल्क-प्रोड्यूसर्स-कोऑपरेटिव-यूनियन-लिमिटेड् द्वारा ‘मुलको’ गो-घृतस्य लोकार्पणम् अन्तर्भवन्ति।
एतदतिरिक्तं “मिजो-कैफे” इत्यस्य उद्घाटनम्, एफपीओ-कार्यालय-सह-विक्रय-केन्द्रस्य शुभारम्भः तथा विविध-परियोजनानां आधारशिलानां अनावरणम् अपि भविष्यति। सभायां उत्पादन-वृद्धिः, मूल्य-श्रृङ्खलायाः न्यूनतानां निवारणम्, बाजार-सम्पर्कस्य सुदृढीकरणम् तथा निर्यात-वर्धनम् इत्यादिषु विषयेषु विशेष-चर्चा भविष्यति।
केन्द्र-सर्वकारस्य मतम् अस्ति यत् एताभिः पहलकाभिः पूर्वोत्तर-क्षेत्रे मत्स्य-पालन-पशुपालन-आधारित-अर्थव्यवस्थायाः नूतना गतिः भविष्यति तथा कृषकाणां, उद्यमिनां सहकारी-समितीनां च दीर्घकालिकः लाभः भविष्यति।
Hindusthan Samachar / Divya Ranjan