भोपालनगरम्, २४ मे-मासः (हि.स.)। केन्द्रीय-कृषि-मन्त्री शिवराजसिंह: स्वस्य प्रतिदिन-पादपारोपण-सङ्कल्पस्य क्रमे रविवासरे मध्यप्रदेशस्य राजधानीभोपाल-नगरे बालकैः सह वृक्षारोपणं कृतवान्। अस्मिन् अवसरे सः उक्तवान् यत् प्रतिदिनं पादपारोपणस्य सङ्कल्पः अधुना जन-जनस्य अभियानं भवति।

केन्द्रीय-कृषि-मन्त्री चौहानः सामाजिक-माध्यमे ‘एक्स्’ इत्यत्र सूचनां कृत्वा उक्तवान् यत् अद्य भोपाल-नगरस्थिते स्मार्ट-सिटी-प्रांगणे नन्हे-भ्रातृ-सदृश-बालकेन सह वृक्षारोपणं कुर्वन् मनसि एतत् अनुभूतम् यत् वयं भूम्याः मातुः अङ्के नूतनं जीवनं स्थापयामः। बालकस्य प्रसन्नता तथा निष्कपटः मुखभावः अस्मान् स्मारयति यत् अग्रिमवंशस्य कृते हरितता तथा शुद्धवायुः एव अस्माकं महत्तमं दानम् अस्ति।

सः अवदत् यत् अस्मिन् अवसरे तस्य स्टाफ-सहयोगिनः सिद्धार्थ-सोनवाने, मनीष-चौकसे तथा सिद्धान्त-सोनी अपि स्व-जन्मदिनै: सह वृक्षारोपणं कृतवन्तः। अन्ते मन्त्री उक्तवान् यत् वयं सर्वे मिलित्वा स्वभूमिं अधिकं सुन्दरं, हरितं तथा समृद्धं कर्तुं संकल्पं गृह्णीयाम।

Hindusthan Samachar / Divya Ranjan