सोनीपतम्, 24 मईमासः (हि.स.)।

सहकारिता-कारागार-निर्वाचन-विरासत-पर्यटनमन्त्री डॉ. अरविंद शर्मा अवदत् यत् महर्षिः कश्यपः भारतीयसंस्कृतेः आध्यात्मिकतायाश्च प्रकाशस्तम्भः आसीत्। तेन ज्ञानेन, तपसा तथा अनुसन्धानेन मानवसभ्यतायै नूतना दिशा प्रदत्ता। तेन स्मृतिग्रन्थानां तथा कश्यपसंहितायाः सदृशानां ग्रन्थानां रचना कृत्वा समाजाय मार्गः प्रदर्शितः। तस्य प्रेरणादायकं जीवनम् अद्यापि मानवतायाः मार्गदर्शनं करोति।

रविवासरे पानीपतमार्गस्थिते कश्यपचौके आयोजिते कश्यपजयन्तीकार्यक्रमे डॉ. अरविंद शर्मा महर्षये कश्यपाय श्रद्धासुमनानि अर्पितवान्। तेन उक्तं यत् कश्यपसमाजस्य इतिहासः प्राचीनकालात् गौरवशाली अस्ति। अनेन समाजेन रामायणकाले निषादसदृशाः शक्तिशालिनः राजानः प्रदत्ताः, ये भगवान्तं रामं वनवासकाले आश्रयं दत्तवन्तः। स्वतन्त्रताआन्दोलनकाले अपि समाजस्य महत्त्वपूर्णा भूमिका आसीत्। तेन उक्तं यत् महर्षिः कश्यपः सृष्टेः प्रमुखऋषीणां मध्ये स्थानं प्राप्तवान्। विविधसमाजानां वंशानां च उत्पत्तेः श्रेयः अपि तस्मै दीयते। तेन समाजाय ज्ञानस्य, सेवायाः, तपसः तथा मानवकल्याणस्य मार्गः प्रदर्शितः। तस्य विचाराः अद्यापि समाजं एकतया अग्रे गन्तुं प्रेरयन्ति।

अनन्तरं डॉ. अरविंद शर्मा शिवनगरम् अगच्छत् तथा उत्तराखण्डभवनस्य भूमिपूजनकार्यक्रमे तेन भवननिर्माणार्थं २१ लक्षरूप्यकाणां दानस्य घोषणा कृता। तेन उक्तं यत् उत्तराखण्डभवनं सामाजिक-सांस्कृतिक-धार्मिकगतिविधीनां प्रमुखकेन्द्रं भविष्यति। अस्मिन् अवसरे कुलदीप कश्यपः, बलजीत सिंह मतौरिया, प्रवीण खुराना, हरीश कर्नाटक, पण्डित दयालु तिवारी, दिनेश काण्डपालः, श्यामलाल वशिष्ठः, पवन सरपञ्चः, प्रदीप खरबः तथा अन्ये गणमान्यजनाः उपस्थिताः आसन्।

---------------

Hindusthan Samachar / Dheeraj Maithani