नवदिल्ली, २४ मे-मासः (हि.स.)। नवदिल्ली-नगरपालिका-परिषदः (एनडीएमसी) उपाध्यक्षः कुलजीतसिंह-चहलः ‘एकं वृक्षं मातुः नाम्ना’ अभियानस्य अन्तर्गतं आयोजिते पौधारोपण-कार्यक्रमे उक्तवान् यत् एतत् केवलं पर्यावरण-संरक्षणस्य अभियानं न, अपितु भावनात्मक-सामाजिक-उत्तरदायित्वेन सम्बद्धं जनान्दोलनम् अस्ति। तेन उक्तं यत् पादपारोपणं भावि-वंशानां सुरक्षित-भविष्यस्य आधार-स्थापनवत् अस्ति तथा मातरं प्रकृतिं च प्रति सम्मान-प्रदर्शनस्य माध्यमम् अपि अस्ति।

एनडीएमसी-उपाध्यक्षः चहलः रविवासरे जोरबाग-स्थिते एनडीएमसी-आवास-परिसरे ‘अमृतकाल-निवास’ इत्यत्र वृक्षारोपण-कार्यक्रमस्य नेतृत्वम् अकरोत्। अस्मिन् कार्यक्रमे स्थानीय-निवासिनः, आरडब्ल्यूए-सदस्याः, अधिकारिणः तथा कर्मचारीणः अपि सहभागीभूत्वा स्वमातॄणां नाम्ना पादपान् आरोपितवन्तः। चहलः उक्तवान् यत् एनडीएमसीसंस्थया निरन्तरं २५ सप्ताहान् यावत् एतत् अभियानं सञ्चालितम्।

तेन उक्तं यत् एनडीएमसी विभिन्न-विश्वविद्यालयैः, दूतावासैः तथा अन्य-संस्थाभिः सह मिलित्वा अपि पादपारोपण-अभियानं चालयति। जनसहभागितया नवदिल्ली अधिकं हरितं, स्वच्छं, पर्यावरण-अनुकूलं च निर्मीयते इति तेन प्रतिपादितम्। चहलः उक्तवान् यत् सम्पूर्ण-वर्षाय ‘ग्रीन-कलान्तरं’ निर्मितम् अस्ति, यस्य अन्तर्गतं प्रत्येकं रविवासरे नवदिल्ली-क्षेत्रेषु पादपारोपण-कार्यक्रमाः आयोजिताः भविष्यन्ति। उद्यान-स्वास्थ्य-सिविल्-स्वच्छता-मार्ग-जलापूर्ति-जलनिकास- तथा विद्युत्-विभागाः संयुक्तरूपेण आरोपित-पौधानां संरक्षणं सुनिश्चितं करिष्यन्ति। अग्रिमे ५ जून-मासे ‘विश्व-पर्यावरण-दिवस’-अवसरे विशेष-पादपारोपण-कार्यक्रमः अपि आयोजितः भविष्यति।

Hindusthan Samachar / Divya Ranjan