Enter your Email Address to subscribe to our newsletters
काठमाण्डू-नगरम्, २४ मे-मासः (हि.स.)। नेपाली-चलच्चित्रं ‘एलिफेन्ट्स इन द फग’ इति नामकं कान्स फिल्म फेस्टिवल इत्यस्मिन् विश्वप्रसिद्धे चलच्चित्र-महोत्सवे ‘ज्यूरी प्राइज’ इति पुरस्कारं विजित्य इतिहासं रचितवती।
निर्देशकः अविनाश-विक्रम-शाहः इत्यस्य अस्य चलचित्रस्य सम्मानं मुख्य-प्रतिस्पर्धा-खण्डानन्तरं सर्वाधिक-महत्त्वपूर्णे ‘अन सर्टेन रिगार्ड’ इति विभागस्य समापन-समारोहे प्रदत्तम्। अस्मिन् वर्गे मुख्यः पुरस्कारः ‘अन सर्टेन रिगार्ड प्राइज’ इति अन्यस्मै चलचित्राय प्राप्तः, किन्तु द्वितीयः महत्त्वपूर्णः ‘ज्यूरी प्राइज’ इति सम्मानं नेपाली-चलचित्रं ‘एलिफेन्ट्स इन द फग’ इत्यनेन प्राप्तम्।
इदं चलचित्रं हस्ती-आक्रमणेन प्रभाविते ग्रामे निवसतः एकस्य कुटुम्बस्य कथां वर्णयति। अस्मिन् मातुः पुत्र्याः च गहनः सम्बन्धः संवेदनशीलतया प्रदर्शितः अस्ति। चलचित्रे लैंगिक-यौनिक-अल्पसंख्यक-समुदायस्य अपि प्रतिनिधित्वं कृतम् अस्ति, विशेषतः तस्मिन् एव समुदायस्य जनाः अभिनयम् अपि कृतवन्तः।
पुरस्कार-घोषणायां तत्क्षणमेव कलाकार-दलं मंचे नृत्यं कृत्वा स्वानन्दं प्रकटितवान्। अभिनेत्री पुष्पा थिंग इत्यनया पुरस्कार-प्राप्तेः अनन्तरं निर्देशकाय अविनाश-विक्रम-शाहाय नेपाल-देशस्य राष्ट्रीय-ध्वजं समर्पितवती।
पूर्वमेव कान्स-महोत्सवे प्रीमियर-समये अपि चलचित्रेण महतीं प्रशंसां प्राप्तम्। प्रीमियर-दिने ‘साल डुबुसी थिएटर’ इत्यत्र दर्शकाः पूर्णतया आसन्। प्रेस-स्क्रीनिंग-अनन्तरं चलचित्रस्य चर्चा अतिशयेन वर्धिता, यतः दर्शकाः पुनः पुनः टिकट-क्रयणाय आगताः। चलचित्रस्य समाप्तौ दर्शकैः दीर्घ-तालध्वनिना (स्टैन्डिंग ओवेशन) कलाकाराः सम्मानिताः, येन सम्पूर्णं दलं भावविह्वलं जातम्।
निर्माता अनुप पौडेलः उक्तवान् यत् प्रीमियर-अनुभवः अत्यन्तं भावपूर्णः आसीत्। बहुवर्षीय-परिश्रमस्य फलस्वरूपं तत्र गत्वा दर्शकानां प्रेम प्राप्तम् इति महती अनुभूति: जाता। तस्य कथनानुसारं कान्स-दर्शकैः अपारा प्रशंसा प्राप्ता, विशेषतः अप्रशिक्षित-कलाकाराणां अभिनयः अत्यन्तं प्रशंसितः।
अस्मिन् चलचित्रे दीपिकायादव:, जस्मिन विश्वकर्मा, शान्ति गिरी, गौरीमल्ल:, माओत्से गुरुङ्ग:, सञ्जय गुप्ता-दुरा, महिमा नवबाग, आकांक्षा कार्की इत्यादयः कलाकाराः अभिनयम् अकुर्वन्।
प्रसिद्धः बॉलीवुड-निर्देशकः अनुराग कश्यपः अपि कान्स-महोत्सवे चलचित्रं दृष्ट्वा तस्य प्रशंसां कृतवान्। सः लेटरबोक्स्ड इति समीक्षामञ्चे लिखितवान् यत्— “कान्स-महोत्सवे अद्यावधि दृष्टम् एतत् उत्तमम् अन्त्य-दृश्यम् अस्ति। ‘एलिफेन्ट्स इन द फग’ द्वारा नेपाली-चलच्चित्रे महती उन्नतिः प्राप्ता।”
Hindusthan Samachar / Divya Ranjan