आगरा , 24 मईमासः (हि.स.)।

अमेरिकी विदेशमन्त्री मार्को रूबियो सोमवासरे ताजमहलस्य दर्शनं करिष्यति। सः सोमवासरे विशेष-वायुयानेन आग्रानगरम् आगमिष्यति। रूबियो भारतस्य चतुर्दिवसीय-आधिकारिक-यात्रायाम् अस्ति। सः शनिवासरे प्रधानमन्त्रिणा नरेन्द्र मोदिना सह सेवा तीर्थे भेंटं कृतवान्।

अमेरिकी विदेशमन्त्रिणः भारत-भ्रमणं पश्चिम-एशियायां प्रचलति तनावस्य तथा वैश्विक-घटनाक्रमानां मध्ये अत्यन्तं महत्त्वपूर्णं मन्यते। ज्ञातं यत् रूबियो सोमवासरे वायुसेनायाः खेरिया-स्थित-विमानपत्तने प्रातः प्रायः ९:३० वादने आगमिष्यति। ततः सः प्रत्यक्षरूपेण तत्रतः ताजमहलम् गमिष्यति। ताजमहले प्रातः प्रायः १०:०५ वादनात् ११:०५ वादनपर्यन्तं तस्य स्थितेः कार्यक्रमः निर्धारितः अस्ति।

अमेरिकी विदेशमन्त्रिणः काफिला खेरिया-विमानपत्तनात् शिल्पग्रामं गमिष्यति। शिल्पग्रामात् बैटरी-चालित-गोल्फ-कार्टयानम् आरुह्य सः ताजमहलस्य पूर्व-द्वारं प्राप्स्यति। अमेरिकी विदेशमन्त्रिणः आग्रा-भ्रमणस्य दृष्ट्या केन्द्रीय-प्रांतीय-गुप्तचर-संस्थाः सतर्काः सन्ति। ताजमहलस्य समीपवर्तीषु होटलेषु कठोर-निगराणी क्रियते।

अमेरिकादेशस्य एडवांस-सुरक्षा-दलेन शनिवासरे खेरिया-विमानपत्तनात् आरभ्य ताजमहलपर्यन्तं सुरक्षाव्यवस्थानां सूक्ष्मतया निरीक्षणं कृतम् तथा आग्रायाः पुलिस-प्रशासनिक-अधिकारिभिः सह सुरक्षाविषये चर्चा कृता। अमेरिकी विदेशमन्त्रिणः ताजमहल-भ्रमणकाले सामान्य-पर्यटकेभ्यः ताजमहलः उद्घाटितः एव भविष्यति। उल्लेखनीयम् अस्ति यत् केवलं राष्ट्राध्यक्षस्य ताजमहल-भ्रमणकाले एव ताजमहलः सामान्य-पर्यटकेभ्यः निमीलितः भवति। स्थानीय-पुलिस-प्रशासनम् अपि अमेरिकी विदेशमन्त्रिणः प्रस्तावित-आग्रा-भ्रमणस्य विषये सज्जम् अस्ति।

अमेरिकी विदेशमन्त्री आग्रातः जयपुरनगरं गमिष्यति। एतदतिरिक्तं अमेरिकी विदेशमन्त्रिणः अन्यः कश्चित् कार्यक्रमः प्रकाशं न प्राप्तः, किन्तु वैकल्पिक-व्यवस्थारूपेण एकस्मिन् पञ्चतारकीय-पथिकाश्रयेण अल्पविश्रामस्य व्यवस्था कृता अस्ति। डीसीपी आग्रा सिटी सैयद अली अब्बास इत्यनेन उक्तं यत् अमेरिकी विदेशमन्त्रिणः प्रस्तावित-भ्रमणस्य दृष्ट्या प्रोटोकॉल-अनुसारं सुरक्षाव्यवस्था क्रियते।

भारतीय-पुरातत्व-सर्वेक्षणस्य आग्रा-सर्किलस्य अधीक्षण-पुरातत्वविदुषी डॉ. स्मिता कुमार इत्यनया उक्तं यत् अद्यपर्यन्तं अमेरिकी विदेशमन्त्रिणः भ्रमणविषये ताजमहल इत्यस्य सामान्य-दर्शकेभ्यः निमीलनसम्बद्धः कश्चन निर्देशः न प्राप्तः। अतः सोमवासरे ताजमहलः सामान्यरूपेण उद्घाटितः एव भविष्यति।

---------------

Hindusthan Samachar / Dheeraj Maithani