Enter your Email Address to subscribe to our newsletters
वाराणसीनगरम्, २४ मे-मास: (हि.स.)। लोक-कल्याणस्य मंगलकामनया काशी-नगरीस्थिते मणिकर्णिकाघट्टस्य समीपे सिद्धपीठे नरसिंहमठे विष्णु-सहस्रनाम-पाठः तथा सामूहिक-पूजनं च सम्पन्नम्।
पुरुषोत्तम-मासे भगवत: विष्णोः आराधना विशेषमहत्त्वपूर्णा इति परिगण्यते। अस्मिन् अवसरे प्राचीन-मन्दिरे श्री-कोलाहल-नरसिंह-भगवतः भक्त-परम्परानुसारं तुलसी-पत्रैः तथा मालपुआ-भोगेन पूजनं कृतम्।
कार्यक्रमः काशी-प्रदक्षिणा-यात्रा-तीर्थायन-समिति-सदस्यानां सहभागेन सम्पन्नः, यत्र विष्णु-सहस्रनाम-पाठः तथा पूजनं मणिकर्णिका-घाटस्थिते सिद्धपीठे आयोजितम्। पूजनं ज्योतिषाचार्य-पण्डित-बिट्टू-झा-वर्येण वैदिक-विद्यार्थिभिः सह सम्पन्नं कारितम्।
यजमानरूपेण शिव-प्रकाश-गुप्तः तथा मृत्युंजय-मालवीयः उपस्थितौ आस्ताम्। प्रारम्भे गणपति-गौरी तथा श्री-कोलाहल-नरसिंह-भगवतः वैदिक-विधिना पूजनं कृतम्, अन्ते च भक्तैः श्रीविष्णोः आरार्तिकी सम्पन्ना।
नरसिंहमठ-सेवा-समितेः विकास-महरा-वर्यः सर्वान् अतिथीन् स्वागतम् अकरोत् तथा पुरुषोत्तम-मासस्य महत्त्वं विवृतवान्। कार्यक्रमे अनुपम-खन्ना, सौरभ-मिश्रः, विजय-चौधरी, अनन्त-जोशी, आशीष-कोइराला, सुजीत-चौधरी, ऋतिक-दाधीच इत्यादयः भक्ताः अपि सहभागिन: अभवन्।
Hindusthan Samachar / Divya Ranjan