देहरादूनम्, 24 मईमासः (हि.स.)। प्रायः एकवर्षपूर्वं उच्चविद्युत्तारस्य सम्पर्के आगच्छन्तः चत्वारः बालकाः रक्षितुं प्रयतमानस्य युवकस्य मनीषशर्मणः उभौ हस्तौ नष्टौ अभवताम्। तस्य साहसिककार्यस्य अनन्तरं जिलाप्रशासनेन तस्मै आर्थिकसहायता स्वीकृता अस्ति।

जिलाधिकारी सविनबंसलः मानवीयसवेदनायाः उदाहरणं प्रस्तुत्य ब्रह्मपुरीनिवासिनः दिव्याङ्गस्य मनीषशर्मणः परिवाराय रायफलक्लबनिधेः पञ्चाशत्सहस्ररूप्यकाणां आर्थिकसहायतां स्वीकृतवान्। मनीषशर्मा, येन प्रायः एकवर्षपूर्वं उच्चविद्युत्तारस्य सम्पर्के पतन्तः चत्वारः बालकाः रक्षिताः आसन्, तस्मिन् समये सः गम्भीरदुर्घटनायां घोररूपेण आहतः अभवत्। चिकित्साकाले तस्य उभयोः हस्तयोः शल्यचिकित्सा कृता, ततः सः स्थायिरूपेण दिव्याङ्गः घोषितः। ततः प्रभृति सः आर्थिकसामाजिकपरिस्थितीनां सामना करोति।

वर्तमानकाले मनीषशर्मा स्वभार्यया सह द्वाभ्यां लघुबालकाभ्यां च सह कठिनपरिस्थितिषु जीवनयापनं करोति। सः जिलाधिकारीकार्यालये स्वव्यथां निवेद्य आर्थिकसहयोगस्य याचनां कृतवान्। प्रकरणस्य गम्भीरतां दृष्ट्वा जिलाधिकाऱिणा त्वरितसहायतास्वीकृतेः निर्देशाः दत्ताः। सहैव प्रशासनस्य पक्षतः परिवारं विविधाभिः शासकीयजनकल्याणकारीयोजनाभिः संयोजयितुं प्रक्रिया आरब्धा अस्ति, येन तेषां दीर्घकालिकराहतिः सुनिश्चिताभवेत्।

अतिरिक्तरूपेण जिलाधिकाऱिणा मनीषशर्मणः बालकयोः शिक्षायाः दायित्वं जिलाप्रशासनस्य पक्षतः वहनं करिष्यते इति आश्वासनं दत्तम्, येन आर्थिकसंकटस्य प्रभावः बालकयोः भविष्ये न पतिष्यति। जिलाधिकारी बंसलः अवदत् यत् समाजे साहसिककार्यं कुर्वतां व्यक्तीनां समये सहयोगः सुरक्षा च प्रदातुं प्रशासनस्य प्रमुखदायित्वम् अस्ति। तेन अधिकारिणः निर्देशिताः यत् पात्रपरिवाराणां कृते योजनानां लाभः समयबद्धरूपेण सुनिश्चितः क्रियताम्।

अस्याः पहलायाः स्थानीयस्तरे सकारात्मकप्रतिक्रिया प्राप्ता अस्ति, तथा च एतत् आवश्यकतायुक्तपरिवारस्य जीवने महत्त्वपूर्णसहायकरूपेण परिगण्यते।

Hindusthan Samachar / Dheeraj Maithani