देवरिया-जनपदे, २४ मे-मासः (हि.स.)। उत्तरप्रदेशस्य देवरिया-जनपदे राष्ट्र-सेविका-समित्या आयोजितस्य सप्त-दिवसीय-प्राथमिक-शिक्षा-वर्गस्य समापनं २५ मे-दिने भविष्यति। एषः आवासीय-प्रशिक्षण-वर्गः १९ मे-मासात् सरस्वती-विद्या-मन्दिर-परिसरे सञ्चाल्यते। वर्गे प्रायः १५० भगिन्यः सहभागं कुर्वन्ति।

अस्मिन् वर्गे देवरिया, गोरखपुर, बस्ती, सिद्धार्थनगर तथा आर्यमगढ़-क्षेत्रस्य भगिन्यः सहभागं कुर्वन्ति। सप्त-दिवसीय-अस्मिन् वर्गे शारीरिक-प्रशिक्षणम्, योगाभ्यासः, गीतम्, बौद्धिक-सत्राणि, देशभक्ति-सम्बद्ध-विषयाः तथा संघटनात्मक-गतिविधीनां प्रशिक्षणं प्रदीयते। प्रशिक्षार्थिनीनां अनुशासनम्, आत्मनिर्भरता तथा सामाजिक-उत्तरदायित्वेषु जागरूकता-निर्माणाय विशेषं बलं दीयते।

वर्ग-कार्यवाहिका अञ्जू-चौहान: उक्तवती यत् वर्गस्य उद्देश्यं बालिकासु महिलासु च राष्ट्रभक्तेः, संस्काराणाम्, आत्मविश्वासस्य तथा सामाजिक-समरसतायाः भावनायाः विकासः अस्ति। समाजं राष्ट्रं च प्रति उत्तरदायित्व-बोधस्य निर्माणाय अपि प्रयासः क्रियते। प्रशिक्षण-काले सेविकाभ्यः समूह-कार्यस्य, नेतृत्व-क्षमतायाः तथा संगठन-सञ्चालनस्य अपि विवरणं दीयते।२४ मे-दिने सायं ५ वादने भव्यं पथ-सञ्चलनम् आयोजितं भविष्यति। एतत् पथ-सञ्चलनं सरस्वती-विद्या-मन्दिर-परिसरात् आरभ्य नगरस्य विभिन्न-प्रमुख-मार्गेभ्यः गमिष्यति। सञ्चलने सहभागिन्यः प्रशिक्षार्थिन्यः अनुशासनस्य, एकरूपतायाः तथा संघटन-शक्तेः प्रदर्शनं करिष्यन्ति। कार्यक्रमं प्रति समितेः कार्यकर्तृषु उत्साहस्य वातावरणं वर्तते तथा सज्जता अन्तिम-चरणे अस्ति।

आयोजकैः नगरवासिनः समापन-कार्यक्रमे पथ-सञ्चलने च उपस्थितिं कृत्वा सहभागिनीनाम् उत्साहवर्धनाय आह्वानं कृतम्। समिति-पदाधिकारिणः वदन्ति यत् एतादृशाः प्रशिक्षण-वर्गाः समाजे सकारात्मक-चिन्तनस्य संस्कारयुक्त-परिवेशस्य च निर्माणे महत्त्वपूर्णां भूमिकां निर्वहति।

Hindusthan Samachar / Divya Ranjan