अयोध्या, 25 मईमासः (हि.स.)।

वेद प्रकाश गुप्ता इत्यनेन स्वमातुः स्वर्गीया सुशीला देव्याः षोडशीं पुण्यतिथिम् उपलक्ष्य सेवा-समर्पणयोः भावं प्रदर्शयता मणिपर्वतक्षेत्रस्थिते वृद्धाश्रमे कार्यक्रमः आयोजितः। अस्मिन् अवसरे ते वृद्धाश्रमे निवसद्भिः वृद्धजनैः सह मिलित्वा तेषां कुशलक्षेमं ज्ञातवन्तः तथा च तैः सह समयं व्यतीतवन्तः।

विधायकेन उक्तं यत् मातापित्रोः आशीर्वादः संस्काराश्च एव मनुष्यजीवनस्य महानिधिः भवति तथा च समाजस्य वृद्धजनसेवा अस्माकं सर्वेषां नैतिकं दायित्वम् अस्ति।

कार्यक्रमस्य समये वृद्धाश्रमे निवसद्भ्यः वृद्धजनेभ्यः भोजनं प्रदत्तम्। विधायकः स्वयम् अपि भोजनवितरणकार्ये सम्मिलितः अभवत् तथा च सर्वैः सह आत्मीयसंवादं कृतवान्। अस्मिन् समये वृद्धाश्रमस्य वातावरणं भावुकपारिवारिकपरिवेशे परिवर्तितम् अभवत्। वृद्धजनाः विधायकस्य अस्य सेवाभावस्य प्रशंसां कृत्वा तम् आशीर्वादैः अनुगृहीतवन्तः।

वृद्धाश्रमे निवसतां जनानाम् आवागमनसम्बद्धसमस्याः दृष्ट्वा विधायकः वेद प्रकाश गुप्ता आश्रमाय एकम् ई-रिक्शायानम् अपि उपहाररूपेण प्रदत्तवान्। तेन उक्तं यत् अनेन वृद्धजनानाम् चिकित्सालयम्, आपणं तथा अन्यावश्यककार्याणि प्रति गमनागमने सुविधा भविष्यति। आश्रमप्रबन्धने विधायकस्य आभारं व्यक्तीकृत्य उक्तं यत् एषः सहयोगः वृद्धजनानां कृते अत्यन्तोपयोगी सिद्धः भविष्यति।

कार्यक्रमे नर्वदा गुप्ता, चन्दर गुप्ता, मिथिलेश गुप्ता, अमल गुप्ता, नेहा गुप्ता, तरूण मित्तल, अचल मित्तल, सुशांत मित्तल, काव्या मित्तल, बालकृष्ण वैश्य, संजय शुक्लः इत्यादयः अन्ये च जनाः उपस्थिताः आसन्।

Hindusthan Samachar / Dheeraj Maithani