गुवाहाटी, 25 मईमासः, (हि.स.)। असमविधानसभायाः प्रचलितस्य अधिवेशनस्य तृतीये दिने सोमवासरे सर्वकारेण समाननागरिकसंहितायाः (यूसीसी) विधेयकं सदने प्रस्तुतम्। मुख्यमन्त्रिणः हिमन्तबिस्वसरमणः अनुपस्थितौ संसदीयकार्यमन्त्री अतुलबोरा विधानसभायां विधेयकं प्रस्तुतवान्। यदि एतत् विधेयकं पारितं भविष्यति, तर्हि उत्तराखण्डस्य गुजरातस्य च अनन्तरं असमः देशस्य तृतीयं तत् राज्यं भविष्यति यत्र यूसीसीविधिः प्रवर्तिष्यते।

विधानसभायां विधेयकस्य प्रस्तुतेः अनन्तरं सत्तापक्षस्य विपक्षस्य च सदस्येषु अस्मिन् विषये तीव्रा चर्चा दृष्टा। मन्यते यत् प्रचलितसत्रस्य समये अस्मिन् विधेयके विस्तृता बहस भविष्यति तथा २७ मई दिनाङ्के एतत् पारितं कर्तुं शक्यते।

राज्यमन्त्रिमण्डलेन १३ मई दिनाङ्के मुख्यमन्त्रिणः हिमन्तबिस्वसरमा द्वितीयकार्यकालस्य प्रथमकैबिनेटबैठकायां अस्य प्रस्तावितविधेः प्रारूपं अनुमोदितम् आसीत्। एषा बैठक गुवाहाटीस्थिते कोइनाधारा इत्यत्र नम्बर-१ स्टेट्गेस्ट्हाउस मध्ये आयोजिता आसीत्। ततः अनन्तरं मुख्यमन्त्री घोषणा कृतवान् यत् यूसीसीविधेयकं वर्तमानविधानसभासत्रे प्रस्तुतं भविष्यति। विधानसभायाः एतत् सत्रं २१ मई दिनाङ्कात् आरब्धम् अस्ति तथा २६ मई दिनाङ्के समाप्तं भविष्यति।

सर्वकारस्य अनुसारं प्रस्तावितस्य यूसीसीविधेः क्षेत्रात् अनुसूचितजनजाति (पर्वतीय) तथा अनुसूचितजनजाति (मैदानी) समुदायाः बहिः स्थापिताः सन्ति। सहैव पारम्परिकधार्मिकरीतिरिवाजाः, प्रथाः, अनुष्ठानानि च अस्मात् विधेः मुक्तानि भविष्यन्ति।

असमसर्वकारेण प्रस्तावितः यूसीसी मुख्यतया चतुर्षु प्रमुखविषयेषु केन्द्रितः अस्ति—विवाहस्य न्यूनतमवयः निर्धारयितुम्, बहुविवाहस्य निषेधः, पैतृकसम्पत्तौ पुत्रीणां समानाधिकारः तथा लिव्-इन-रिलेशनशिप् सम्बन्धितविषयान् वैधानिकक्षेत्रे आनयितुम्। अपरतः राजसर्वकारस्य कथनम् अस्ति यत् एतत् विधेयकं सामाजिकपारिवारिकविषयेषु समाननागरिकव्यवस्थां प्रवर्तयितुं महत्त्वपूर्णं पदं सिद्धं भविष्यति।

सद्यः सम्पन्नेषु असमविधानसभानिर्वाचनेषु भारतीयजनतापक्षेण (भाजपा) १२६ सदस्ययुक्ते सदने ८२ स्थानानि जित्वा महान् विजयः प्राप्तः। स्वसहयोगिदलाभ्यां असमगणपरिषद् (एजीपी) तथा बोडोलैण्डपीपुल्स्फ्रण्ट् (बीपीएफ) सह, याभ्यां दश-दश स्थानानि जितानि, राष्ट्रियजनतान्त्रिकगठबन्धनस्य (एनडीए) आहत्य स्थानसंख्या १०२ अभवत्।------------------

Hindusthan Samachar / Dheeraj Maithani