Enter your Email Address to subscribe to our newsletters
मेदिनीपुरम्, 25 मईमासः (हि.स.)।पश्चिममेदिनीपुरजनपदस्य नारायणगढ़विधानसभाक्षेत्रस्य भारतीयजनतापक्षस्य विधायकः रमाप्रसादगिरिः सोमवासरे नारायणगढ़ब्लॉकस्थितस्य बेलदासुपरस्पेशलिटीहॉस्पिटलस्य निरीक्षणम् अकरोत्। अस्मिन् अवसरे तेन चिकित्सालयस्य विभिन्नविभागानां भ्रमणं कृत्वा स्वास्थ्यसेवानां वर्तमानस्थितेः जानकारी गृहीता।
निरीक्षणस्य समये जनपदस्वास्थ्याधिकारी सौम्यशङ्करसारेंगी, नारायणगढ़ब्लॉकस्वास्थ्याधिकारी सोमनाथमण्डलः, खड़गपुरमहकमाशासकः ज्योतिघोषः, बेलदाथानाप्रभारी नीलेंदुदासः, नारायणगढ़थानाप्रभारी तिमिरलेटः सहिताः प्रशासनस्य स्वास्थ्यविभागस्य च अन्ये अधिकारिणः उपस्थिताः आसन्।
विधायकेन चिकित्सालयस्य आधारभूतसंरचनायाः, चिकित्सासेवानां, रोगिभ्यः प्रदीयमानसुविधानां च समीक्षा कृता। तेन अधिकारिभिः सह विभिन्नविषयेषु चर्चा कृत्वा सामान्यजनानां कृते उत्तमस्वास्थ्यसेवानां उपलब्ध्यर्थम् आवश्यकपदानि ग्रहीतुं बलं दत्तम्।
---------------
Hindusthan Samachar / Dheeraj Maithani