Enter your Email Address to subscribe to our newsletters
जांजगीर-चाम्पा, २५ मे-मासः (हि.स.)। जनपदस्य पर्वतारोही अमिता-श्रीवास-इत्यनया माउण्ट्-एवरेस्ट-शिखरे त्रिरंग-ध्वजं उत्तोल्य जनपदस्य समग्र-प्रदेशस्य च नाम गौरवान्वितं कृतम्। अस्याः उपलब्धेः उपलक्ष्ये पूर्व-विपक्ष-नेता तथा प्रदेश-भाजपा-दलस्य वरिष्ठ-नेता नारायण-चन्देलः तस्यै शुभकामनाः प्रदत्तवान्।
चन्देलः मुख्यमन्त्रिणे विष्णुदेव-साय-महोदयाय तथा जनपदस्य प्रभारी-मन्त्रिणे ओपी-चौधरी-महोदयाय अद्य पत्रं सम्प्रेष्य अमिता-श्रीवास-इत्यस्याः कस्यचित् सार्वजनिक-कार्यक्रमे सम्माननस्य आग्रहं कृतवान्।
तेन उक्तं यत् अमिता-श्रीवास-इत्यनया स्वस्य अदम्य-साहसस्य उत्कृष्ट-पर्वतारोहण-कौशलस्य च परिचयं दत्त्वा विश्वस्य सर्वोच्च-शिखरे माउण्ट्-एवरेस्टे तिरङ्ग-ध्वजं उत्तोल्य प्रदेश: देशः च गौरवान्वितौ कृतौ।
पूर्व-विपक्ष-नेता अमिता-श्रीवास-इत्यस्याः अस्याः ऐतिहासिक-उपलब्धेः कृते हार्दिक-शुभकामनाः प्रदाय तस्याः शीघ्र-स्वास्थ्य-लाभस्य अपि कामनाम् अकरोत्।
Hindusthan Samachar / अंशु गुप्ता