सम्भल-नगरम्, २५ मे-मासः (हि.स.)। उत्तरप्रदेशस्य उपमुख्यमन्त्री बृजेश-पाठकः सोमवासरे सम्भल-जनपदम् आगत्य विविध-कार्यक्रमेषु सहभागित्वं कृतवान्। तेन प्रथमं असमोली-विकासखण्डस्य तथा असमोली-पञ्चायतस्य सचिवालयस्य निरीक्षणं कृतम्। ततः अनन्तरं सः सम्भल-स्थितं भारतीय-जनता-पक्षस्य कार्यालयम् आगतः। अत्र तेन कार्यकर्तृभिः तथा पक्ष-पदाधिकरिभिः सह साक्षात्कारं कृत्वा आह्वानं कृतम् यत् अग्रिम-विधानसभा-निर्वाचनस्य कृते अधुनैव कार्यम् आरभ्य ऐतिहासिक-विजयं सुनिश्चितं कुर्वन्तु।

एतेषां कार्यक्रमाणाम् अनन्तरं उपमुख्यमन्त्री बृजेश-पाठकः पत्रकारैः सह संवादं कुर्वन् उक्तवान् यत् सम्भल-जनपदं प्रथम-स्थाने नेतव्यम्। गरीब-जन-कल्याणकारी-योजनाः जनं जनं प्रति अवश्यम् प्रापयिष्यामः। तेन उक्तं यत् समीक्षा-सभायां सम्भल-जनपदस्य आवश्यक-सुविधानां विषये सूचना गृहीता भविष्यति तथा आवश्यकतानां पूर्तिः अपि करिष्यते। तेन उक्तं यत् अद्य अत्र ‘सिन्दूर-वाटिका’ जनतायै लोकार्पिता अस्ति। ‘ऑपरेशन-सिन्दूर’ इत्यस्य स्मरणार्थं अस्याः वाटिकायाः लोकार्पणं कृतम् तथा तत्र एकं युद्ध-विमानम् अपि द्रष्टुं शक्यते।

एकस्य प्रश्नस्य उत्तरे तेन उक्तं यत् अग्रिम-वर्षे भविष्यति विधानसभानिर्वाचने प्रचण्ड-बहुमतेन एकपक्षीय-भाजपा-सर्वकारः उत्तरप्रदेशे पुनः स्थापितः भविष्यति। समाजवादी-पक्षस्य गुण्डाराजं जनाः अद्यापि न विस्मृतवन्तः। काङ्ग्रेस-पक्षेन तथा समाजवादी-पक्षेन यथा महिला-आरक्षण-संशोधन-विधेयकस्य तथा ‘नारी-शक्ति-वन्दन-अधिनियमस्य’ विरोधः कृतः, तस्मात् प्रदेशस्य देशस्य च महिलाः तौ पक्षौ कदापि न क्षमां करिष्यन्ति। तेन उक्तं यत् उत्तरप्रदेशस्य दृष्ट्या भाजपा स्वीयैः सहयोगिभिः सह एनडीए-संघटनस्य प्रचण्ड-बहुमत-युक्तं सर्वकारं स्थापयिष्यति।

Hindusthan Samachar / Divya Ranjan