नव दिल्ली, 25 मईमासः (हि.स.)।

दिल्ली इत्यस्य स्वास्थ्यव्यवस्थया एकः महत्त्वपूर्णः उपलब्धिः प्राप्तः, यस्य अन्तर्गतं राजधानीस्थितयोः द्वयोः प्रमुखयोः शासकीयचिकित्सालययोः ‘राष्ट्रीय गुणवत्ता आश्वासन मानक’ (एनक्यूएएस) संरचनायाः अन्तर्गतं प्रतिष्ठितं ‘गुणवत्ता प्रमाणित’ मान्यता प्रदत्ता। लोक नायक जय प्रकाश अस्पताल इत्यनेन राष्ट्रीयगुणवत्तामूल्यांकनप्रक्रियायां ९५.८९ प्रतिशतं प्रभावशालि अङ्कप्राप्तिः कृता, यदा पंडित मदन मोहन मालवीय अस्पताल इत्यनेन ९६.७२ प्रतिशतं अङ्कान् प्राप्य उत्कृष्टं प्रदर्शनं कृतम्।

डॉ. पंकज कुमार सिंह अद्य वक्तव्ये उक्तवान् यत् एतत् प्रमाणपत्रं स्वास्थ्यसेवायाः अनेकमहत्त्वपूर्णक्षेत्रेषु प्रदर्शितायाः उत्कृष्टतायाः आधारेण प्रदत्तम् अस्ति। एतेषु ओपीडी सेवाः, आईसीयू सुविधाः, रक्तकोशः, प्रसूतिगृहं, रेडियोलॉजी विभागः, प्रयोगशाला, आपत्कालीनचिकित्सा, मातृस्वास्थ्यसेवाः तथा अन्ये अनेकाः चिकित्सकीयाः सहायकविभागाश्च अन्तर्भवन्ति। तेन उक्तं यत् एषा उपलब्धिः दिल्लीस्य सार्वजनिकस्वास्थ्यसेवातन्त्रं सुदृढं कर्तुं दिशि महत्त्वपूर्णः चरणः अस्ति तथा च एषा नागरिकेभ्यः उत्तमाः, आधुनिकाः, विश्वसनीयाश्च स्वास्थ्यसेवाः प्रदातुं दिल्लीसरकारस्य निरन्तरं केन्द्रितभावं दर्शयति।

दिल्लीसरकारस्य व्यापकदृष्टिकोणस्य अन्तर्गतं राष्ट्रीयराजधानीक्षेत्रस्य स्वास्थ्यसंस्थासु गुणवत्तामानकानां, आधारभूतसंरचनायाः तथा रोगिणाम् अनुभवानां उन्नयनार्थं निरन्तरप्रयत्नाः क्रियमाणाः सन्ति।

डॉ. पंकज कुमार सिंह उक्तवान् यत् पूर्वसरकारस्य विपरीतं वयं निरर्थकप्रतिज्ञानां स्थाने कार्यकरणे विश्वासं कुर्मः। बहुवर्षपर्यन्तं दूरदर्शितायाः, उत्तरदायित्वस्य तथा सार्थकसुधाराणां अभावकारणात् दिल्लीस्य स्वास्थ्यव्यवस्थायाः हानिः अभवत्। कायाकल्पपहलस्य अन्तर्गतं सर्वेषु दिल्लीसरकारस्य चिकित्सालयेषु स्वच्छतायाः विशेषबलं दीयते। आगामिषु दिनेषु राजधानीस्थितेषु शासकीयचिकित्सालयेषु १४ एमआरआई यन्त्राणि तथा २५ अधिकाः अल्ट्रासाउंडयन्त्राणि उपलब्धानि भविष्यन्ति। दिल्लीसरकारस्य चिकित्सालयेषु उन्नताः स्वास्थ्यसेवाः सुनिश्चिताः क्रियमाणाः सन्ति। अस्माकं सरकारस्य प्रतिबद्धता अस्ति यत् प्रत्येकस्मै नागरिकाय गुणवत्तायुक्तः उपचारः उपलब्धः भवेत्।

स्वास्थ्यमन्त्री उक्तवान् यत् दिल्लीसरकारस्य चिकित्सालयाः स्वास्थ्यसेवाप्रदाने वैश्विकमानदण्डानां दिशि निरन्तरम् अग्रसराः सन्ति, यस्मिन् उत्तमा स्वच्छता, सुदृढा चिकित्सकीयाधारसंरचना तथा नैदानिकसेवानां सुलभता च अन्तर्भवति। शासकीयचिकित्सालयेषु एमआरआई तथा अल्ट्रासाउंडयन्त्राणां निरन्तरवृद्धिः नैदानिकक्षमतां अधिकं सुदृढं करिष्यति तथा च रोगिणां असुविधां न्यूनीकरिष्यति।

‘राष्ट्रीय गुणवत्ता आश्वासन मानक’ (एनक्यूएएस) प्रमाणनं सुदृढस्य नागरिककेन्द्रितस्वास्थ्यतन्त्रस्य निर्माणाय सरकारस्य अटूटप्रतिबद्धतायाः सटीकं उदाहरणम् अस्ति, यत्र प्रत्येकः नागरिकः गौरवेण विश्वासेन च गुणवत्तायुक्तम् उपचारं प्राप्तुं शक्नोति। एषा उपलब्धिः विश्वस्तरीयस्वास्थ्यसुविधानां सार्वजनिकस्वास्थ्यतन्त्रस्य अन्तर्गतं शीघ्रसुलभतां सुनिश्चित्य ‘स्वस्थ दिल्ली, सशक्त दिल्ली’ इति अस्माकं दृष्टिकोणं अधिकं सुदृढं करोति।

---------------

Hindusthan Samachar / Dheeraj Maithani