Enter your Email Address to subscribe to our newsletters
देहरादूनम्, 25 मईमासः (हि.स.)।
मुख्यमन्त्री पुष्कर सिंह धामी सोमवासरे निजनिवासात् खटीमातः समस्तजिलाधिकारिभिः सह आभासीयबैठकां कृतवान्। अस्मिन् समये मुख्यमन्त्री सर्वान् जिलाधिकारिणः सरकारीभूमेः अतिक्रमणनिवारणाभियाने तीव्रतां कर्तुं निर्देशान् दत्तवान्।
मुख्यमन्त्री उक्तवान् यत् ग्रामसभासु स्थितायाः सरकारीभूमेः अपि परीक्षणं क्रियताम्।
मुख्यमन्त्री उक्तवान् यत् राज्ये भूविधानस्य उल्लङ्घनं कृत्वा क्रीतभूमीनां परीक्षणमपि क्रियताम्। सः उक्तवान् यत् अस्मिन् अभियाने तीव्रतां कृत्वा त्वरितश्रवणं क्रियताम् तथा भूविधानस्य उल्लङ्घनं दृश्यते चेत् भूमिः राज्यसर्वकारे निहिता क्रियताम्। मुख्यमन्त्रिणा राज्ये स्थितानां शत्रुसम्पत्तीनाम् उपरि जातान् अवैधकब्जान् अपसारयितुं निर्देशाः अपि दत्ताः। सः उक्तवान् यत् वक्फसम्पत्तीनां विवरणम् उम्मीद् पोर्टल् इत्यत्र अभिलेखनस्य नियमितसमीक्षा भवेत्। सहैव अस्य विवरणस्य नियमितपरीक्षणम् अपि क्रियताम्।
मुख्यमन्त्री उक्तवान् यत् अन्यराज्येभ्यः आगतानां जनानां शस्त्रानुज्ञापत्राणां परीक्षणमपि क्रियताम् तथा अपराधपृष्ठभूमियुक्ताः जनाः चिह्निताः क्रियन्ताम्।
जनसेवाकेन्द्राणां परीक्षणम् अवैधराशनपत्राणि निर्माय सरकारीसुविधानां लाभं गृह्णन्तः अपात्रजनाः चिह्निताः क्रियन्ताम् इति निर्देशाः अपि मुख्यमन्त्रिणा दत्ताः।
मुख्यमन्त्री संदिग्धगतिविधिषु प्रभाविनिरीक्षणं कुर्वन्तः सत्यापनाभियाने तीव्रतां कर्तुं निर्देशान् अपि दत्तवान्।
आगामिमान्सूनकालं दृष्ट्वा मुख्यमन्त्री सर्वेभ्यः जनपदेभ्यः पूर्वतयारीः समये एव पूर्णाः कर्तुं निर्देशान् दत्तवान्।
सः उक्तवान् यत् प्रत्येकस्मिन् जिले मानसूनपूर्वतयारीणां समीक्षाबैठकः आयोज्य सर्वाः आवश्यकव्यवस्थाः सुनिश्चिताः क्रियन्ताम्। तेन आन्तरिकक्षेत्रेषु क्षतिग्रस्तमार्गाणां मरम्मतकार्यं समयबद्धरीत्या पूर्णं कर्तुं, ग्रीष्मकालं दृष्ट्वा पेयजलापूर्तिव्यवस्थां सुचारुरूपेण स्थापयितुं च निर्देशाः दत्ताः।
सः उक्तवान् यत् यत्र कुत्रापि जलसमस्या तकनीकीदोषः वा भवति, तत् तत्क्षणमेव प्राथमिकतया निवार्यताम्।
मुख्यमन्त्री अधिकारिभ्यः निर्देशान् दत्तवान् यत् प्रदेशे अनावश्यकऊर्जाकर्तनं कस्मिन्नपि परिस्थितौ न भवेत्। सः उक्तवान् यत् यदि कस्यचित् कारणस्य वशात् विद्युत्कर्तनम् आवश्यकं भवति, तर्हि तस्य पूर्वसूचना स्थानीयस्तरे समये एव सामान्यजनतां प्रति प्रेष्यताम्, येन जनानां कष्टानुभवः न भवेत्।
मुख्यमन्त्री अधिकारिभ्यः निर्देशान् दत्तवान् यत् चारधामयात्रायाः नियमितनिरीक्षणं क्रियताम्। सः उक्तवान् यत् यात्रामार्गेषु आगच्छद्भ्यः श्रद्धालुभ्यः निरन्तरं प्रतिपुष्टिः अपि गृह्यताम् तथा प्राप्तपरामर्शानां परिवादानां च आधारेण व्यवस्थासु सुधारः अपि क्रियताम्। मुख्यमन्त्रिणा चारधामयात्रामार्गे पेयजलस्य समुचितोपलब्धिः तथा यातायातस्य प्रभाविकार्ययोजना इत्यस्य अपि निर्देशाः दत्ताः।
मुख्यमन्त्री अधिकारिभ्यः मानसखण्डयात्रायाः अन्तर्गतं कैंचीधाम बाइपास् निर्माणकार्यं आगामिमासपर्यन्तं सर्वथा पूर्णं कर्तुं निर्देशान् दत्तवान्।
मुख्यमन्त्री उक्तवान् यत् कृषिविभागेन उद्यानविभागेन च माध्यमेन पॉलीहाउस, एप्पलमिशन, कीवीमिशन इत्यादयः सञ्चालिताः अनेकाः योजनाः केवलं कागजीयकार्यवादपर्यन्तं सीमिताः न स्थीयन्ताम्, अपि तु वास्तविकरूपेण कृषकेभ्यः तासां लाभप्रदानार्थं प्रभाविरूपेण कार्यं क्रियताम्।
मुख्यमन्त्री उक्तवान् यत् कृषिक्षेत्रे बागवानीक्षेत्रे च परिणामाधारितकार्यसंस्कृतेः अवलम्बनस्य आवश्यकता अस्ति, येन कृषकाणाम् आयवृद्धेः ग्रामीणार्थव्यवस्थायाः सुदृढीकरणस्य च लक्ष्यं पूर्णं भवेत्।
मुख्यमन्त्री गतवर्षे आपदाप्रभावितक्षेत्रेषु प्रचलितानि पुनर्निर्माणकार्याणि अधिकतीव्रतया पूर्णानि कर्तुं निर्देशान् दत्तवान्। मुख्यमन्त्री अधिकारिभ्यः जोशीमठे प्रचलितानां पुनर्निर्माणकार्याणां प्रगतेः विषये विस्तृतसूचनाम् अपि अगृह्णात्।
मुख्यमन्त्री निर्देशान् दत्तवान् यत् वर्षाकालीनपूर्वम् आपदादृष्ट्या संवेदनशीलक्षेत्रेषु विशेषसतर्कता निरीक्षणं च वर्ध्यताम्।
Hindusthan Samachar / Dheeraj Maithani