नवदिल्ली, 26 मईमासः (हि.स.)।

अखिलभारतीयविद्यार्थीपरिषदः राष्ट्रियकार्यकारिपरिषदः सभा २९ मईतः ३१ मई पर्यन्तं भुवनेश्वरस्थिते शिक्षा ‘ओ’ अनुसंधानविश्वविद्यालये आयोजिता भविष्यति। देशस्य सर्वेभ्यः राज्येभ्यः ४८४ कार्यकर्तृप्रतिनिधयः अस्यां सभायाम् उपस्थिताः भविष्यन्ति। अस्याम् अभाविपस्य राष्ट्रियपदाधिकारीणः, देशव्यापिनां शैक्षिकपरिसराणां विद्यार्थीनेतारः, शिक्षाविदः तथा विविधायामसम्बद्धाः प्रतिनिधिकार्यकर्तारः सहभागित्वं करिष्यन्ति।

अखिलभारतीयविद्यार्थीपरिषदः राष्ट्रियमहामन्त्री डॉ. वीरेन्द्रसिंहसोलंकी मङ्गलवासरे पत्रकारवार्तायाम् उक्तवान् यत् सभायाः पूर्वं २७ मई-दिने केन्द्रीयकार्यसमितेः सभा आयोजिता भविष्यति, यस्मिन् देशस्य विभिन्नप्रदेशेभ्यः कुलम् १०६ कार्यकर्तॄणाम् आगमनस्य अपेक्षा अस्ति। २८ मई-दिने अभाविपस्य विविधायामानां कार्याणां गतिविधीनां च सभा आयोजिता भविष्यति।

अस्यां सभायां वर्षपर्यन्तं सञ्चालितानां गतिविधीनां, कार्यक्रमाणां, विस्तारयोजनानां तथा आगामिकार्ययोजनानां विषये विस्तृतचर्चा भविष्यति। क्रीडा, कला, सेवा, पर्यावरणम्, शोधः, चिकित्सा, कृषि, प्रौद्योगिकी, जनजातीयसम्पर्कः, अन्ताराष्ट्रियविद्यार्थीसम्पर्कः इत्यादिषु विविधक्षेत्रेषु सञ्चलितकार्याणां समीक्षा तथा विस्तारस्य दिशा निर्धारिता भविष्यति।

सभायाः पूर्वसन्ध्यायां “नागरिक-अभिनन्दन-समारोहः” आयोज्यते। अस्मिन् समारोह अभाविपस्य पूर्व-वर्तमानकार्यकर्तारः, समाजजीवनस्य विविधक्षेत्रसम्बद्धाः प्रबुद्धजनाः, शिक्षाविदः तथा सामाजिकनेतारः उपस्थिताः भविष्यन्ति। अस्मिन् समारोह ओडिशाराज्यस्य मुख्यमन्त्री मोहनचरणमाझी मुख्यातिथिरूपेण उपस्थितः भविष्यति।

तेन उक्तं यत् त्रिदिवसीया राष्ट्रियकार्यकारिपरिषदः सभायां वर्तमानराष्ट्रियपरिदृश्यं, शिक्षाव्यवस्था, युवजनानां भूमिका, राष्ट्रियसुरक्षा, सामाजिक-आर्थिकविषयाः, संगठनात्मकसमीक्षा-विस्तारः तथा समसामयिकचुनौतयः इत्यादिषु व्यापकविचारविमर्शः भविष्यति।

डॉ. वीरेन्द्रसिंहसोलंकी उक्तवान् यत् अस्य कालस्य अन्तर्गतं ‘अखिलभारतीयविचारसभा २०२५’ इत्यस्य समीक्षा तथा ‘संगठनात्मकविचारसभा २०२६’ इत्यस्य निर्णयानां सङ्कलन-क्रियान्वयनयोः विषये विस्तृतचर्चा भविष्यति। तेन सह अभियानात्मक, कार्यक्रमात्मक तथा संगठनात्मकविषयाणां समीक्षया सह आगामिवर्षस्य कार्ययोजना अपि निर्धारिता भविष्यति। सर्वेषु शैक्षिकसंस्थानेषु छात्रसंघनिर्वाचनं भवेत् इत्यस्य हेतोः देशस्य विभिन्नमहाविद्यालयेभ्यः विश्वविद्यालयेभ्यश्च आगताः छात्रसंघपदाधिकारीणः कार्यकर्तारश्च चर्चायां सहभागं करिष्यन्ति।

अभाविपद्वारा स्वीकृताः ‘स्क्रीन् टाइम् टू एक्टिविटी टाइम् अभियानम्’, ‘वन्दे मातरम् इत्यस्य १५० वर्षाणि’, ‘छात्रावाससर्वेक्षण-अभियानम्’, ‘प्रा. यशवन्तरावकेलकर-जन्मशतीवर्षम्’, ‘आपत्काल-निषेधस्य ५० वर्षाणि’, ‘श्रीगुरुतेगबहादुर-बलिदानदिवसस्य ३५० वर्षाणि’, ‘सन्तशिरोमणि रविदासजी इत्यस्य ६५० तमः प्राकट्योत्सवः’ इत्यादिषु विषयेषु चिन्तनमन्थनं कृत्वा आगामिकार्ययोजना सभायां निर्धारिता भविष्यति। संगठनात्मकगुणात्मकविकासार्थं सदस्यता, परिसर-इकाई-गठनम् इत्यादिविषयेषु चर्चया सह विभिन्नप्रान्तैः स्वीकृतविशेष-अभियानानां तथा इकाईषु कृतानां नवीनप्रयोगाणां विश्लेषणं कृत्वा आगामिवर्षस्य लक्ष्यं निर्धारितं भविष्यति। राष्ट्रियअधिवेशनम्, एसईआईएल-यात्रा, अन्तरराष्ट्रीयविद्यार्थीसम्पर्कः तथा विविधायामानां आगामियोजनासु अपि विचारविमर्शः भविष्यति।

तेन उक्तं यत् अस्यां सभायां देशस्य सर्वेभ्यः प्रान्तेभ्यः अभाविपस्य प्रमुखकार्यकर्तारः उपस्थिताः भविष्यन्ति। विविधसंगठनात्मक-शैक्षिक-पर्यावरणीय-आर्थिक-राष्ट्रीयसुरक्षासम्बद्धेषु तथा युवजनभूमिकाविषयेषु व्यापकचिन्तनमन्थनानन्तरं प्रस्तावाः पारिताः भविष्यन्ति। एतेषु विषयेषु आगामिदिनेषु अभाविपस्य प्रत्येकनगर-परिसर-एककस्य कार्यं करिष्यति।

सोलंकी उक्तवान् यत् भुवनेश्वरस्य सांस्कृतिक-आध्यात्मिकभूमौ आयोजिता एषा सभा संगठनात्मकऊर्जा, वैचारिकस्पष्टता तथा कार्यक्रमात्मकविस्तारस्य महत्त्वपूर्णकेन्द्ररूपेण छात्रशक्तिं अधिकं सशक्तां करिष्यति।

---------------

Hindusthan Samachar / Dheeraj Maithani