नव दिल्ली, 26 मईमासः (हि.स.)।

बीजू जनता दलस्य (बीजद) तथा राज्यसभायाः सदस्यतायाः त्यागपत्रं दत्त्वा एकदिनानन्तरं देबाशीष सामंतरायः मङ्गलवासरे भारतीय जनता पार्टीम् (भाजपा) आश्रितवान्। सः भाजपा मुख्यालये राष्ट्रियमहासचिवस्य अरुण सिंहस्य उपस्थितौ दलस्य सदस्यतां स्वीकृतवान्।

अस्मिन् अवसरे देबाशीषः अवदत् यत् सः प्रधानमन्त्रीणः नरेन्द्र मोदीनः कार्यशैल्या नेतृत्वेन च अत्यन्तं प्रभावितः अस्ति। अधुना भाजपया सह सम्बद्धः भूत्वा राज्यस्य हिताय अधिकतया उत्तमरूपेण कार्यं कर्तुं शक्नोति। अस्मिन् अवसरे ओडिशाराज्यस्य मुख्यमन्त्री मोहन चरण माझी, सांसदः अनिल बलूनी अपि उपस्थितौ आस्ताम्।

सामंतरायः सोमवासरे बीजद तथा राज्यसभायाः सदस्यतायाः त्यागपत्रं दत्त्वा आरोपम् अकरोत् यत् दलस्य अन्तः तं निरन्तरं उपेक्षितम् अनुभूयते स्म।

देबाशीषः बीजदस्य प्रत्याशिरूपेण त्रिवारं विधानसभायै निर्वाचितः आसीत्। एकवारं तिर्तोलनिर्वाचनक्षेत्रात् तथा द्विवारं कटक बाराबती निर्वाचनक्षेत्रात् विधायकः आसीत्। बीजदेन वर्षे २०२४ तमे तं राज्यसभासदस्यत्वाय नामनिर्देशितम्। देबाशीषः नवीन पटनायकस्य अत्यन्तं निकटवर्ती मन्यते स्म।

तस्य दलत्यागानन्तरं राज्यसभायां बीजदसदस्यानां संख्या पञ्च एव अवशिष्टा अभवत्। तस्मात् पूर्वं बीजदस्य अन्यौ द्वौ राज्यसभासांसदौ — ममता महन्त तथा सुजीत कुमार — अपि दलात् त्यागपत्रं दत्तवन्तौ।अनन्तरं तौ उभौ भाजपायाः प्रत्याशित्वेन राज्यसभायै निर्वाचितौ अभवताम्।

---------------

Hindusthan Samachar / Dheeraj Maithani