Enter your Email Address to subscribe to our newsletters
नवदिल्ली, 26 मईमासः (हि.स.)।भारतः अमेरिका च महत्वपूर्णानां दुर्लभखनिजानां च आपूर्तेः खननस्य प्रसंस्करणस्य च सुरक्षार्थं रणनीतिकसमझौताय मङ्गलवासरे हस्ताक्षरं कृतवन्तौ। विदेशमन्त्री डॉ. एस जयशङ्करः अमेरिकादेशस्य विदेशमन्त्री मार्को रुबियो च क्वाड्-सभायाः पार्श्वे अस्मिन् समझौते हस्ताक्षरं कृतवन्तौ। अस्य सहमतेः अनन्तरं महत्वपूर्णैः दुर्लभखनिजैः च देशस्य चीनदेशे निर्भरता न्यूनीकर्तुं साहाय्यं भविष्यति।
विदेशमन्त्रालयेन उक्तं यत् अस्य सहकारितायाः अन्तर्गतं भारतः अमेरिका च ‘आवश्यकखनिजानां दुर्लभतत्त्वानां च खनने प्रसंस्करणे च आपूर्तिनिश्चितीकरणाय’ एकं ढाञ्चं निर्मितवन्तौ। अस्य उद्देश्यं खननप्रसंस्करणपुनर्चक्रणतत्सम्बद्धनिवेशादिषु महत्वपूर्णखनिजानां दुर्लभतत्त्वानां च आपूर्तिशृङ्खलायां भारत-अमेरिकयोः सहयोगं अधिकं गाढीकर्तुम् अस्ति। अस्य लक्ष्यं दृढां विविधीकृतां च आपूर्तिशृङ्खलां निर्मातुम् अस्ति, तथा च एतेषां संसाधनानां वित्तपोषणे प्रभावीप्रबन्धने च सहयोगस्य प्रोत्साहनं कर्तुम् अस्ति।
विदेशमन्त्रालयेन उक्तं यत् एतत् समझौतं फरवरी २०२५ मासे प्रधानमन्त्री नरेन्द्रमोदी तथा राष्ट्रपतिः डोनाल्ड ट्रम्प इत्येतयोः वाशिङ्गटन-भ्रमणकाले निर्धारितस्य दृष्टिकोणस्य अग्रे नयनार्थं महत्त्वपूर्णः मीलस्तम्भः अस्ति। तस्मिन् काले प्रकाशिते भारत-अमेरिका संयुक्तवक्तव्ये उद्भवप्रौद्योगिकी उन्नतविनिर्माणस्य च कृते महत्वपूर्णखनिजानां रणनीतिकमहत्त्वे बलं दत्तम् आसीत्, सुरक्षितआपूर्तिशृङ्खलां च साझा-प्राथमिकतारूपेण निर्दिष्टम् आसीत्।
मन्त्रालयेन उक्तं यत् एतत् ढाञ्चं भारत-अमेरिकयोः मध्ये प्रवर्तमानसहयोगस्य आधारे निर्मितम् अस्ति, यस्य उद्देश्यं आवश्यकक्षेत्रेषु आपूर्तिशृङ्खलासुरक्षां सुदृढां कर्तुम् अस्ति। अस्मिन् एव वर्षे २० फरवरी-दिने भारतः अमेरिका-नेतृत्वयुक्तस्य पैक्स सिलिका पहलायाः हस्ताक्षरकर्ता अभवत्। अस्य अतिरिक्तं भारतेन ‘भारत-अमेरिका कृत्रिमबुद्धिमत्ता अवसरसाझेदारी’ विषये अपि संयुक्तवक्तव्यं प्रकाशितम्।
मन्त्रालयेन उक्तं यत् अस्य पूर्वं विदेशमन्त्री जयशङ्करः ४ फरवरी-दिने वाशिङ्गटने विदेशमन्त्रिणा रुबियो इत्यनया आयोजितायां महत्वपूर्णखनिजविषयकविदेशमन्त्रिसभायाम् अपि भागं गृहीतवान्। भारतः अमेरिका च फोरम् ऑन रिसोर्स जियोस्ट्रेटेजिक एङ्गेज्मेण्ट प्रयत्नस्य अन्तर्गतम् अपि सहकागितां कुर्वन्ति।
------------
Hindusthan Samachar / Dheeraj Maithani