- शिप्रा तीर्थ परिक्रमायाः भव्य समापनं, समारोहे मैथिली ठाकुरेण दत्ता संगीतमयी प्रस्तुतिः

भोपालम्, 26 मईमासः (हि.स.)।

मध्यप्रदेशस्य मुख्यमन्त्री डॉ. मोहनयादवः उक्तवान् यत् ‘सिंहस्थः २०२८ महापर्व’ इत्यस्मिन् त्रिंशत्किलोमीटराधिकदीर्घतायां निर्मिताः शिप्रानद्याः घाटाः श्रद्धालुभ्यः पुण्यस्नानस्य लाभं प्रदास्यन्ति। मातुः शिप्रायाः स्वच्छजलस्य उपलब्धता आयोजनं पावनं करिष्यति। प्रायः षट्दशकानन्तरं प्रथमवारं एतत् सम्भवं भविष्यति, यदा श्रद्धालवः केवलं मातुः शिप्रायाः प्रवाहमानेन जलेन सिंहस्थाय आगत्य स्नानं कर्तुं शक्नुवन्ति।

मुख्यमन्त्री डॉ. यादवः मङ्गलवासरे रात्रौ शिप्रातीर्थपरिक्रमार्थं आयोजितस्य समापनसमारोहे सम्बोधनं कुर्वन् आसीत्। तेन उक्तं यत् गतसिंहस्थे २०१६ तमे वर्षे मातुः नर्मदायाः जलेन स्नानसुविधा प्राप्ता सति अपि श्रद्धालुभिः एषा कामना कृता आसीत् यत् मातुः शिप्रायाः जलं पूर्णरूपेण प्रवाहितं भवेत् तथा स्नानलाभः प्राप्तुं शक्येत। श्रद्धालूनाम् आकाङ्क्षां पूरयितुं राज्यसरकारेण आवश्यकव्यवस्थाः कृताः सन्ति। बाबा महाकालस्य सन्तानां च आशीर्वादेन श्रेष्ठव्यवस्थां कृत्वा वयं सिंहस्थः २०२८ इत्येतत् स्मरणीयं करिष्यामः। सिंहस्थस्य आयोजनात् नवीनाः कीर्तिमानाः स्थापिताः भविष्यन्ति।

तेन उक्तं यत् मातुः शिप्रायाः आशीर्वादेन समारोहे अद्भुतदृश्यानि दृश्यन्ते। दीपमालिकाः दृष्ट्वा अनुभवः भवति यथा दीपपर्व आगतम्। मुख्यमन्त्री डॉ. यादवः सर्वेषां यशलाभस्य कामनाम् अकरोत्। त्रिवेणीप्रदेशात् सिद्धनाथपर्यन्तं शिप्रायाः घाटाः पवित्राः मन्यन्ते। तेन उक्तं यत् सिंहस्थदृष्ट्या अनेकानि कार्याणि प्रचलन्ति, यानि श्रद्धालूनां कृते आयोजनं सुविधाजनकं करिष्यन्ति।

भारतस्य मेलजोलस्य उत्कृष्टपरम्परा

मुख्यमन्त्री डॉ. यादवः उक्तवान् यत् प्रधानमन्त्री नरेन्द्रमोदीमहाभागस्य नेतृत्वे विकासेन सह विरासत्संरक्षणम् अपि क्रियते। अद्यतनन्यायालयनिर्णयाः अपि परिपालनदृष्ट्या स्वर्णकालस्य आभासं जनयन्ति। देशस्य नागरिकाः सर्वेषु निर्णयेषु विश्वासं दर्शयन्तः परस्परसहयोगस्य समरसतायाश्च परिचयं ददति। अयोध्यानगरे भगवान् श्रीराममन्दिरस्य भूमिपूजनसमारोहे लोकार्पणसमारोहे च ते सर्वे जनाः उपस्थिताः आसन्, ये मन्दिरसम्बन्धे वर्षानुवर्षं न्यायालये वादं कृतवन्तः। अस्माकं देशे मेलजोलस्य उत्कृष्टा परम्परा अस्ति।

राजभोजस्य उज्जयिन्याः भोपालपर्यन्तं सम्बन्धः

मुख्यमन्त्री डॉ. यादवः उक्तवान् यत् राजभोजस्य उज्जयिन्याः भोपालपर्यन्तं सम्बन्धः अस्ति। धारनगरे भोजशालायां मातुः वाग्देव्याः प्रतिमा स्थापिती भविष्यति। न्यायालयस्य निर्णयानन्तरम् एषः मार्गः प्रशस्तः अभवत्। प्रधानमन्त्री मोदीमहाभागस्य शासनकालः सम्राट् विक्रमादित्यस्य शासनकालस्य स्मरणं कारयति, यस्मिन् प्रत्येकनागरिकस्य हितं सर्वोपरि आसीत्।

जलगङ्गासंवर्धनअभियानम्

मुख्यमन्त्री डॉ. यादवः उक्तवान् यत् मध्यप्रदेशसरकारेण त्रिमासाधिककालपर्यन्तं सञ्चालिते जलगङ्गासंवर्धनअभियाने कूप-तडाग-नदी-पोखर-जलाशय तथा अन्यजलसंरचनानां संरक्षणसंवर्धनकार्याणि सञ्चालितानि। अस्मिन् जनसामान्यस्य सहभागिता अपि अभवत्। मध्यप्रदेशः नदीजोडोअभियानस्य क्रियान्वयने अग्रणी राज्यरूपेण प्रतिष्ठितः अस्ति।

समारोहे दरभंगानगरात् कार्यक्रमप्रस्तुत्यर्थम् आगता गायिका तथा बिहारविधानसभायाः सदस्या मैथिलीठाकुरः भजनानि प्रस्तुतवती। मुख्यमन्त्री डॉ. यादवः सांस्कृतिककार्यक्रमात् पूर्वं मैथिलीठाकुरस्य मध्यप्रदेशागमनस्य स्वागतं कृतवान्।

---------------------

Hindusthan Samachar / Dheeraj Maithani