Enter your Email Address to subscribe to our newsletters
वाराणसी, 26 मईमासः (हि. स.)।
प्रधानमन्त्रिणो नरेन्द्रमोदिनः कार्यकालस्य १२ वर्षाणि पूर्णानि अभवन् इति प्रसङ्गे मङ्गलवासरे काश्याः जनप्रतिनिधयः स्वीयाः मङ्गलकामनाः हार्दिकाभिनन्दनसन्देशांश्च प्रदत्तवन्तः। जनप्रतिनिधिभिः प्रधानमन्त्रिणो मोदिनः १२ वर्षीयकार्यकाले सम्पन्नानां प्रमुखकार्याणां गणना कृता तथा एषः कालः जनतायै स्वर्णिमसमयः इति कथितम्।
वाराणस्यां दक्षिणीविधानसभाक्षेत्रस्य विधायकः डॉक्तर् नीलकण्ठतिवारी अवदत् यत् प्रधानमन्त्री मोदीस्य १२ वर्षीयकार्यकाले वाराणसीसहितं समग्रभारतस्य विकासः अभवत्। दरिद्रजनान् समृद्धान् कर्तुं प्रधानमन्त्रीआवासयोजना, जनधनयोजना, आयुष्मानभारतयोजना, उज्ज्वलायोजना तथा स्वनिधियोजना इत्यादिभिः योजनाभिः विकासः जनजनपर्यन्तं प्रापितः। “सबका साथ, सबका विकास, सबका विश्वास” इति भावनां चरितार्थयन्तः प्रधानमन्त्री मोदी जनजनस्य विश्वासस्य केन्द्रम् सन्ति। मोदीस्य संकल्पेन अनेकानि ऐतिहासिकनिर्णयानि जातानि। जम्मूकश्मीरात् धारा ३७० निष्कासननिर्णयेन समग्रभारतं प्रसन्नम् अभवत्। पञ्चशतवर्षीयप्रतीक्षां समाप्तां कृत्वा अयोध्यायां भव्यराममन्दिरस्य निर्माणम् प्रधानमन्त्री मोदीस्य १२ वर्षीयकार्यकालस्य महती उपलब्धिः अस्ति।
विधायकः सौरभश्रीवास्तवः अवदत् यत् विश्वस्य सर्वाधिकलोकप्रियः राजनेता देशस्य प्रधानमन्त्री च नरेन्द्रमोदी “प्रधानसेवक” रूपेण सेवा, सुशासनम् तथा लोककल्याणाय समर्पितानां गौरवपूर्णानां १२ वर्षाणां पूर्णतायै हार्दिकाभिनन्दनानि अनन्तमङ्गलकामनाश्च। एतेषु १२ वर्षेषु दरिद्रकल्याणं शासनस्य प्राथमिकता अभवत्, अन्त्योदयः आत्मनिर्भरतायाः शक्तिरूपे परिणतः तथा जनभागितायाः विकासं जनान्दोलनरूपे परिवर्तितवती। एषा एव सा दृष्टिः या एतादृशं “नवभारतं” निर्मितवती, यत्र नारीसशक्तीकरणम्, नवोन्मेषः, आर्थिकप्रगतिः तथा सांस्कृतिकपुनर्जागरणं समकालमेव अग्रे गच्छन्ति। सीमासु दृढः, आतङ्कवादस्य विरुद्धं निर्णायकः तथा वैश्विकमञ्चे आत्मविश्वासपूर्णः भारतः अद्य सशक्तविश्वसनीयनेतृत्वस्य रूपेण प्रतिष्ठितः अस्ति। डिजिटल, डेमोग्राफी तथा डेमोक्रेसी इति त्रिवेणी “विकसितभारत २०४७” इति दिशि नूतनगत्यै प्रेरयति।
एमएलसी धर्मेन्द्ररायः अवदत् यत् “राष्ट्रं प्रथमम्” इति भावनया आत्मनिर्भरभारतस्य संकल्पेन सह १२ वर्षीयात्रा पूर्णा अभवत् तथा अग्रेऽपि एषा युगान्तकारी यात्रा प्रवर्तिष्यते। प्रधानमन्त्री मोदीस्य संकल्पेन सह काशीवासिनः सन्ति तथा तस्य कार्यैः जनजनाय लाभकारीयोजनानां लाभः प्राप्यते। मोदिनः कोटिकोट्यभिनन्दनम् अस्ति।
---------------
Hindusthan Samachar / Dheeraj Maithani