Enter your Email Address to subscribe to our newsletters
औरैया, 26 मईमासः (हि. स.)।भारतीयजनतापार्टी आगामिविधानसभानिर्वाचनं दृष्ट्वा स्वकार्यकर्तॄणां प्रशिक्षणकार्ये संलग्ना अस्ति। भाजपाया द्विदिवसीयः पण्डितदीनदयालउपाध्यायजिलाप्रशिक्षणवर्गः उत्तरप्रदेशस्य औरैयाजनपदस्य नगरे रंगमहलरिसॉर्टस्थले आयोजितः भवति। प्रथमदिने जिलाध्यक्षः सर्वेशकठेरिया महोदयस्य अध्यक्षतायां प्रशिक्षणवर्गस्य उद्घाटनं कानपुरबुन्देलखण्डक्षेत्रस्य क्षेत्रीयाध्यक्षः प्रकाशपाल महोदयः कृत्वा प्रदर्शनीम् अवलोकितवान्।
तेन भाजपायाः इतिहासविकासविषये विस्तरेण कार्यकर्तृभ्यः कथितं यत् जनसंघात् आरभ्य भाजपा पर्यन्तं सम्पूर्णयात्रा तथा द्वाभ्यां सांसदाभ्यां आरभ्य शासनपर्यन्तं यात्रायाः विवरणं प्रदत्तम्। तेन उक्तं यत् संगठनस्य सुदृढीकरणार्थं पार्टी निरन्तरं स्वकार्यकर्तॄन् प्रशिक्षयति।
उत्तरप्रदेशशासनस्य उपमुख्यमन्त्री बृजेशपाठक महोदयः शासनस्य कल्याणकारीयोजनानां तथा तासां क्रियान्वयने संगठनस्य भूमिकां स्पष्टयन् उक्तवान् यत् अद्य डबलइञ्जिनशासनं जनहिताय अनेकाः कल्याणकारीयोजनाः चालयति। कार्यकर्तारः विरोधिपक्षस्य नैरेटिवं निराकृत्य शासकीययोजनाः जनजनं प्रति प्रापयन्तु। विपक्षस्य समीपे किमपि कार्यसूची नास्ति।
श्रीपाठक महोदयेन उक्तं यत् पूर्वं यदा कश्चित् रोगी भवति स्म तदा निर्धनः स्वगृहं कृषिक्षेत्रं वा विक्रय्य उपचारं कारयति स्म। अद्य आयुष्मानकार्डस्य माध्यमेन जनानां निःशुल्कचिकित्सा भवति। शासनस्य द्वारा भगिनीपुत्रीणां सम्मानरक्षणार्थं प्रत्येकगृहे शौचालयनिर्माणं कृत्वा ताभ्यः सम्मानः प्रदत्तः।
पूर्वसांसदः रामशंकरकठेरिया महोदयः वैचारिकाधिष्ठानविषये तथा क्षेत्रीयोपाध्यक्षः आनन्दसिंह महोदयः कार्यपद्धतिविषये विस्तरेण अवदत्। कल्याणपुरविधानसभाक्षेत्रस्य विधायकाः नीलिमाकटियार महोदया राष्ट्रस्य समक्षं वर्तमानानां चुनौतिनां विषये विस्तृतचर्चां कृतवती। क्षेत्रीयमन्त्री सुनीलतिवारी महोदयः कार्यकर्तृविकासविषये सम्बोधितवान्।
प्रशिक्षणे जिल्लायाः प्रभारीमन्त्री श्रीमती प्रतिभाशुक्ला, राज्यसभासांसदः गीताशाक्य, सदरविधायिका गुड़ियाकठेरिया, जिलापञ्चायताध्यक्षः कमलदोहरे, पूर्वमन्त्री लाखनसिंह, पूर्वजिलाध्यक्षः अजयसिंहचौहान, श्रीकान्तपाठक, अनिलगुप्त, श्रीराममिश्र, भुवनप्रकाशगुप्त, यशवीरसिकरवार, भूरेचौबे, विशालशुक्ला, मनुराजपूत, रजनीशपाण्डेय, लल्लाशर्मा, सौरभभूषणशर्मा, योगेन्द्रकैथवार, दीक्षान्तगुप्त, विमलदुबे, मंजूचौहान तथा हरपालसिंह सहिताः सर्वे पदाधिकारी, जिलाकार्यसमितेः सदस्याः तथा सर्वे मण्डलाध्यक्षाः उपस्थिताः आसन्।
Hindusthan Samachar / Dheeraj Maithani