Enter your Email Address to subscribe to our newsletters
गंगटोकम्, 26 मईमासः (हि.स.)। राष्ट्रपतिः द्रौपदी-मुर्मूः सिक्किम-राज्यस्य त्रिदिवसीय-आधिकारिक-भ्रमणे मङ्गलवासरे गङ्गटोक-नगरं प्राप्तवती। सा २८ मे पर्यन्तं सिक्किम-राज्ये स्थास्यति तथा अस्मिन् अवधौ अनेकेषु कार्यक्रमेषु सहभागं करिष्यति।
राष्ट्रपतिः मुर्मू अद्य भारतीय-सेनायाः उदग्रयानद्वारा बागडोगरा (पश्चिमबङ्ग-राज्य) नगरात् प्रस्थित्य राजधानीस्थे लिबिङ्ग-हेलिपैड् इत्यत्र अवतीर्णवती। हेलिपैड्-स्थले राष्ट्रपतेः स्वागतं सिक्किम-राज्यस्य राज्यपालः ओम्-प्रकाश-माथुरः, मुख्यमन्त्री प्रेमसिंह-तमाङ्गः, विधानसभाध्यक्षः एम्-एन-शेरपः, उपाध्यक्षः राजकुमारी-थापा, राज्यस्य मन्त्रिणः, सांसदाः, मुख्य-सचिवः, पुलिस-महानिदेशकः, भारतीय-सेनायाः प्रतिनिधयः च अकुर्वन्। ततः सा हेलिपैड्-स्थानात् स्थानीय-लोक-भवनाय प्रस्थितवती।
राष्ट्रपतिः मुर्मू स्वस्य सिक्किम-दौरस्य प्रथम-दिने अद्य राजधानी-नगरे पिङ्क-सिटी-रनर्-बसयानानां शुभारम्भं करिष्यति। एताः सिटी-रनर्-सेवाः राज्य-सरकारेण विशेषतया महिलानां कृते प्रारभ्यन्ते तथा महिलाः अस्मिन् निःशुल्क-यात्रां कर्तुं शक्नुवन्ति। अनन्तरं सा रिज्-पार्क्-स्थम् आर्केडियम् गमिष्यति। आर्केडियमस्य उद्घाटनं गतवर्षे प्रधानमन्त्रिणा नरेन्द्र-मोदिना आभासीयरूपेण कृतम् आसीत्। राष्ट्रपतिः अद्य सायंकाले देवराली-स्थं नामग्याल्-तिब्बतोलॉजी-संस्थानम् अपि गमिष्यति।
राष्ट्रपतिः मुर्मू द्वितीय-दिने २७ मे प्रातः ९ वादने भारत-चीन-सीम्नि स्थितस्य नाथूला-दर्रस्य भ्रमणं करिष्यति। तस्मिन् एव दिने अपराह्णे सा सिक्किम-विश्वविद्यालयस्य सप्तम-दीक्षान्त-समारोहे सहभागं करिष्यति। स्वस्य दौरस्य अन्तिम-दिने २८ मे राष्ट्रपतिः राजधानीस्थे पाल्जोर्-स्टेडियम् इत्यत्र आयोज्यमाने अलङ्करण-समारोहे सिक्किम-आरक्षि-विभागाय भारतस्य राष्ट्रपतेः ‘पुलिस-कलर्’ इति सम्मानं प्रदास्यति। एषः पुरस्कारः सिक्किम-पुलिस-विभागाय राष्ट्रस्य प्रति तेषां उत्कृष्ट-सेवायै प्रदीयते। सिक्किम-राज्यम् एतत् सम्मानं प्राप्तुं देशस्य पञ्चदशतमं राज्यं भविष्यति।
Hindusthan Samachar / Dheeraj Maithani