जयपुरनगरम्, २७ मे-मासः (हि.स.)। ‘द आर्ट ऑफ लिविंग’ संस्थानस्य तत्वावधानं कृत्वा आयोजिते ‘अन्तःप्रज्ञा-उत्सवे’ ११ सहस्राधिकाः बालकाः तथा अभिभावकाः सहभागित्वं कृतवन्तः। अस्मिन् कार्यक्रमे सप्तसहस्राधिकैः बालकैः प्रज्ञा-योगमाध्यमेन विकसितां एकाग्रतां तथा अन्तःप्रज्ञा-क्षमतां प्रदर्श्य सर्वान् आश्चर्यचकितान् कृतवन्तः। राजस्थानात् अपि ५० अधिकाः बालकाः अस्मिन् महा-आयोजने भागं गृहीतवन्तः।

कार्यक्रमे बालकाः नेत्रेषु पट्टिकां बद्ध्वा पठनम्, चित्र-परिचयः, टिक-टैक-टो-क्रीडा, चित्र-प्रतिलिपिः तथा स्मृति-आधारित-क्रियाकलापान् कृत्वा स्व-क्षमतां प्रदर्शितवन्तः। आयोजनस्य सर्वाधिक-आकर्षणीयः क्षणः तदा आसीत् यदा ५० बालकाः नेत्र-बन्धनेन आश्रम-परिसरे द्विचक्रिका-यानं कृतवन्तः।

अवसरे वैश्विक-आध्यात्मिक-गुरुः श्रीरवि-शङ्करः बालकान् तथा अभिभावकान् सम्बोध्य अवदत् यत् कृत्रिम-बुद्धिमत्तायाः युगे मानव-चेतनायाः अन्तःप्रज्ञायाः च विकासः अत्यावश्यकः अस्ति। सः उक्तवान् यत् बालकेभ्यः एतत् ज्ञानं प्रापयित्वा मानव-विकासस्य नवीनः अध्यायः उद्घाट्यते।

कार्यक्रमे ध्यानं, प्राणायामः तथा भावनात्मक-संतुलनम् इत्यादिभिः माध्यमैः बालकानां मानसिक-क्षमता-विकासे विशेषः बलः दत्तः। अभिभावकैः उक्तं यत् प्रज्ञा-योगस्य अभ्यासेन बालानां आत्मविश्वासः, स्मरण-शक्तिः तथा एकाग्रता च सकारात्मक-रूपेण वर्धिताः सन्ति।

राजस्थानस्य एशियन-गेम्स-स्वर्ण-पदक-विजेत्री अश्वारोहिणी दिव्याकृति-सिंहः अपि स्वानुभवान् साझा कृतवती। तया उक्तं यत् प्रज्ञा-योगः तस्याः प्रतियोगितासु सम्यक् निर्णय-क्षमता-विकासे तथा अश्वानां व्यवहारावगन्तुं महतीं सहायतां कृतवान् इति।

Hindusthan Samachar / Divya Ranjan