गुवाहाटी, 27 मईमासः, (हि.स.)।

असमप्रदेशे समाननागरिकसंहितायाः विषये भारतीयजनतापक्षस्य नेतारः विधायकाश्च प्रबलसमर्थनं व्यक्तवन्तः तथा एतत् समानाधिकारन्यायस्य सुनिश्चितीकरणस्य दिशि ऐतिहासिकं पदक्षेपम् इति अभिव्यक्तवन्तः। भाजपाविधायकाः बुधवासरे असमविधानसभापरिसरे समाननागरिकसंहिताविधेयकस्य विषये पत्रकारैः सह संवादं कुर्वन्तः आसन्। उल्लेखनीयं यत् अद्य विधानसभायां अस्य विधेयकस्य चर्चानन्तरं शासनं तत् पारयितुं सज्जम् अस्ति।

भाजपायाः पूर्वमन्त्री पीयूषहजारिका उक्तवान् यत् महिलानां सम्मतिं विना कस्मैचित् पुरुषाय चतस्रः विवाहाः कर्तुं अनुमतिं ददाति यः नियमः सः अन्यायपूर्णः अस्ति। तेन उक्तं यत् हिन्दुसमुदाये द्विविवाहकरणे कारावासदण्डस्य प्रावधानम् अस्ति, किन्तु अन्यसमुदायस्य जनानां कृते चत्वारः विवाहाः अनुमोदिताः सन्ति। एतादृशान् भेदभावपूर्णनियमान् समाप्त्य यूसीसी कार्यान्विता कर्तव्या।

विधायकः रूपज्योतिकुर्मी यूसीसी कार्यान्वयनस्य निर्णयं स्वागतार्हं पदक्षेपम् इति वर्णयन् उक्तवान् यत् विधिः सर्वेषां कृते समानः भवेत्। तेन उक्तं यत् यूसीसी माध्यमेन सर्वे नागरिकाः समानाधिकारान् प्राप्स्यन्ति।

विधायकः पल्लबलोचनदास उक्तवान् यत् यूसीसी भाविपीढीनां कृते नूतनयुगस्य आरम्भं करिष्यति तथा समाजं अधिकप्रगतिशीलदिशं प्रति नयिष्यति।

भाजपाविधायकः दिप्लूरञ्जनशर्मा उक्तवान् यत् भाजपाकार्यकर्तॄणां कृते अयं दिवसः ऐतिहासिकलब्धेः दिवसः अस्ति। तेन दावा कृतः यत् यूसीसी कार्यान्वितायाम् अल्पसंख्यकतुष्टीकरणस्य राजनीति समाप्तिं गमिष्यति।

विधायकः मृणालसैकिया एतं दिनं ऐतिहासिकम् इति वर्णयन् उक्तवान् यत् यूसीसीमाध्यमेन मुस्लिममहिलाभिः सह वर्तमानः अन्यायः भेदभावः च समाप्तिं गमिष्यति।

अपरतः विधायकः मानबडेका आरोपितवान् यत् विपक्षः केवलं विशेषसमुदायस्य तुष्टीकरणराजनीतेः कारणेन यूसीसी इत्यस्य विरोधं करोति।

----------

Hindusthan Samachar / Dheeraj Maithani