Enter your Email Address to subscribe to our newsletters
-संगठन, योगस्य समाजसेवायाः च प्रति तदीयसमर्पणं सदैव स्मरणीयं वर्तिष्यते : विष्णुदेव सायः
रायपुरम् 27 मईमासः (हि.स.)।
मुख्यमन्त्री विष्णुदेव-सायः अद्य बुधवासरे राजधानी-रायपुर-नगरस्य कबीर-नगर-स्थिते छत्तीसगढ़-योग-आयोगस्य अध्यक्षस्य, संघस्य वरिष्ठ-स्वयंसेवकस्य तथा भारतीय-जनता-पार्टी-पूर्व-सम्भागीय-सङ्गठन-मन्त्रिणः स्वर्गीय-रूपनारायण-सिन्हा-महोदयस्य निवासं गत्वा तस्मै भावपूर्णां श्रद्धाञ्जलिम् अर्पितवान् तथा अन्तिम-दर्शनानि कृतवान्। मुख्यमन्त्री साय-महोदयः दिवङ्गत-आत्मने श्रद्धासुमनानि समर्प्य शोकसन्तप्त-परिजनैः सह भेंटां कृत्वा तान् धैर्यम् अददात् तथा अस्य दुःखस्य घटीकायां परिवारस्य सह स्थितुं विश्वासं दत्तवान्।
मुख्यमन्त्री सायः अवदत् यत् स्वर्गीय-रूपनारायण-सिन्हा-महोदयस्य स्नेहः, सरलता, सङ्गठन-क्षमता तथा समाजस्य प्रति समर्पणं सदा स्मृतिषु जीवितं भविष्यति। तेन सङ्गठन-जनसेवा-योग तथा भारतीय-संस्कृतेः संवर्धने उल्लेखनीयः योगदानः दत्तः, यः आगामि-संततीनां कृते प्रेरणायाः स्रोतः भविष्यति। मुख्यमन्त्री अवदत् यत् तस्य निधनं भारतीय-जनता-पार्टी-परिवारस्य, सङ्गठनस्य तथा सम्पूर्ण-प्रदेशस्य कृते अपूरणीय-हानिः अस्ति।
मुख्यमन्त्री सायः ईश्वरं प्रति प्रार्थनाम् अकरोत् यत् दिवङ्गत-पुण्यात्मने स्वीय-श्रीचरणेषु स्थानं प्रदीयताम् तथा शोकाकुल-परिजनानां, शुभचिन्तकानां तथा समर्थकानां कृते एतत् असीमं दुःखं सोढुं शक्तिः प्रदीयताम्।
अस्मिन् अवसरे उपमुख्यमन्त्री विजय-शर्मा, वन-जलवायु-परिवर्तन-मन्त्री केदार-कश्यप-महोदयः, पूर्व-विधानसभा-अध्यक्षः गौरीशङ्कर-अग्रवालः, पूर्व-सङ्गठन-प्रदेश-महामन्त्री राम-प्रताप-सिंहो, विधायकः पुरन्दर-मिश्र-महोदयः सहिताः अन्ये जनप्रतिनिधयः, गणमान्य-नागरिकाः तथा बहुसंख्यकेन सामान्य-जनाः उपस्थिताः आसन्।
---------------
Hindusthan Samachar / Dheeraj Maithani