किशनगंजः, 27 मईमासः (हि.स.)। प्रथमप्रधानमन्त्रिणस्तथा भारतरत्नस्य जवाहरलालनेहरोः पुण्यतिथेः अवसरे बुधवासरे किशनगञ्जे श्रद्धाञ्जलिसभायाः आयोजनं कृतम्।

कार्यक्रमे बहुसंख्यकेन कांग्रेसनेतारः कार्यकर्तारश्च सहभागित्वं कृत्वा पण्डितनेहरूस्य चित्रे पुष्पाणि समर्पितवन्तः तथा तस्य योगदानं स्मरन्तः भावपूर्णां श्रद्धाञ्जलिम् अर्पितवन्तः। श्रद्धाञ्जलिसभायां किशनगञ्जस्य सांसदः डॉ मोहम्मदजावेदआजाद, कांग्रेसजिलाध्यक्षः शहाबुलअख्तरः, पूर्वजिलाध्यक्षः इमामअलीचिंटूः, नगराध्यक्षः सजलसाहा, वरिष्ठकांग्रेसी अरुणकुमारसाहा, मो तौसीफअंजार, मनोजकुमारपासवान, शंभूयादवः, अब्दुलकबीर, राहुफखानः, आसिफअलिः, गोरेखानः, रहमतखानः, आबिदकमालः, शमीमअख्तर, आजादहुसैन, सुमेन्दरबहादुरसिंह, तनवीरआलम, संतोषचौधरी, बुल्लू, शुभमदास सहिताः बहुसंख्यकाः कांग्रेसकार्यकर्तारः उपस्थिताः आसन्।

अस्मिन् अवसरे वक्तारः अवदन् यत् पण्डित जवाहरलालनेहरू आधुनिकभारतस्य दृढां नीविं स्थापितवान् तथा देशाय वैज्ञानिकचिन्तनं लोकतान्त्रिकमूल्यानि विकासस्य नूतनां दिशां च प्रदत्तवान्।

नेतारः अवदन् यत् नेहरूमहोदयस्य योगदानं भारतीयराजनीत्याः राष्ट्रनिर्माणस्य च इतिहासे सदा स्मरणीयं भविष्यति। तेन शिक्षा उद्योग विज्ञान तथा प्रौद्योगिकीक्षेत्रेषु यानि कार्याणि कृतानि तेषां लाभः अद्यापि देशाय प्राप्यते।

सभायां उपस्थितैः नेतृभिः कार्यकर्तृभिश्च तस्य आदर्शानां अनुसरणस्य संकल्पं गृहीत्वा उक्तं यत् देशस्य एकता अखण्डता तथा लोकतान्त्रिकपरम्पराणां सुदृढीकरणमेव पण्डितनेहरोः कृते सत्या श्रद्धाञ्जलिः भविष्यति। कार्यक्रमस्य समापनं द्विनिमेषात्मकं मौनं धारयित्वा कृतम् यस्मिन् उपस्थितजनाः दिवङ्गतनेतारं श्रद्धापूर्वकं नत्वा सम्मानितवन्तः।

हिन्दुस्थान समाचार / Dheeraj Maithani