छतरपुरम्, २७ मे-मासः (हि.स.)। अन्तरराष्ट्रीय-योग-दिवस-२०२६ इत्यस्य २५-दिवसीय-गणना आरब्धा। अस्य निमित्तं बुधवासरे मध्यप्रदेशस्य छतरपुर-जनपदे स्थितायां विश्वप्रसिद्धायां पर्यटन-सांस्कृतिक-नगरी-खजुराहौ भव्ये काउन्टडाउन-महोत्सवे योगस्य सन्देशः प्रसारितः। अस्मात् कार्यक्रमात् प्रदेशस्य सर्वाः आयुष-संस्थाः वर्चुअल-रूपेण सम्बद्धाः अभवन्।

कोलकातायां भविष्यति अन्ताराष्ट्रिय-योग-दिवस-२०२६ मुख्य-समारोहःअन्ताराष्ट्रिय-योग-दिवसः (आईडीवाई) २०२६ इत्यस्य मुख्य-समारोहः २१ जून-मासे पश्चिम-बङ्ग-राज्यस्य कोलकाता-नगरे आयोजितः भविष्यति। केन्द्रीय-आयुष-राज्यमन्त्री (स्वतन्त्र-प्रभारः) तथा स्वास्थ्य-परिवार-कल्याण-राज्यमन्त्री प्रतापराव जाधवः खजुराहौ अस्य घोषणां कृतवान्। सः अवदत् यत् अस्य वर्षस्य विषयः “स्वस्थ-वृद्धावस्थायै योगः” इति निश्चितः अस्ति, यः शारीरिक-स्वास्थ्यं, मानसिक-सन्तुलनं तथा स्वस्थ-जीवनशैलीं प्रति योगस्य महत्त्वपूर्णां भूमिकां प्रकाशयति।

जाधवः उक्तवान् यत् भारतस्य पारम्परिक-धरोहरयशस्य आध्यात्मिक-चेतनया च समृद्धा कोलकाता-नगरी आईडीवाई-२०२६ मुख्य-आयोजनस्य प्रतिनिधित्वं करिष्यति। सः अपि अवदत् यत् योगः भारतस्य प्राचीन-ज्ञान-परम्परायाः प्रतीकः अस्ति तथा निवारक-स्वास्थ्य-सेवायां सम्यक्-जीवनशैली-निर्माणे च अस्य महती भूमिका अस्ति।

खजुराहो वैश्विक-योग-वेलनेस-केन्द्ररूपेण संभावितम्केन्द्रीय-आयुष-राज्यमन्त्री जाधवः उक्तवान् यत् खजुराहो स्वस्य समृद्ध-सांस्कृतिक-आध्यात्मिक-धरोहरस्य भारतस्य प्राचीन-परम्पराणां वेलनेस-संस्कृतेः च समन्वयस्य प्रतीकः अस्ति तथा अस्मिन् वैश्विक-योग-वेलनेस-केन्द्ररूपेण विकसितुं अपाराः सम्भावनाः सन्ति।

योग-संगम-पटलस्य तथा योग-पार्क-पटलस्य शुभारम्भः

अस्मिन् अवसरे केन्द्रीय-राज्यमन्त्रिणा ‘योग-संगम-पटलस्य’ पुनः शुभारम्भः कृतः तथा ‘योग-पार्क-पटलस्य’ उद्घाटनं कृतम्। अपि च योग-टी-शर्टस्य अनावरणं कृतम्। ‘योग-३६५-अभियानस्य’ अन्तर्गतं आयोजिते १००-दिवसीय-निःशुल्क-योग-प्रशिक्षणे २ लक्षाधिकाः जनाः भागं गृहीत्वा ‘योग-मित्र’ प्रमाणपत्रं प्राप्तवन्तः।

“वन अर्थ, वन हेल्थ” विचारः

मुख्यमन्त्री डॉ.मोहनयादवः उक्तवान् यत् योगः अधुना केवलं व्यायामः न, अपि तु “वन अर्थ, वन हेल्थ” इत्यस्य जीवन-दर्शनस्य रूपेण विकसितः अस्ति। राज्ये “घर-घर योग, हर घर निरोग” अभियानेन योगस्य विस्तारः क्रियते।

अन्येऽपि नेतारः उक्तवन्तः यत् योगः भारतस्य प्राचीन-ज्ञान-परम्परायाः वैश्विक-स्वास्थ्य-आन्दोलनं जातम् अस्ति तथा जनसामान्ये जागरूकतां वर्धयति।

दीप-प्रज्वलनेन योग-सत्रस्य उद्घाटनं कृतम् तथा बहुसंख्याः नागरिकाः विद्यार्थिनः च सामूहिक-योगाभ्यासे भागं गृहीतवन्तः।

Hindusthan Samachar / Divya Ranjan