हॉकी इंडियाद्वारा 24 सदस्यीयस्म दृढदलस्य घोषणा, विश्वचषकस्पर्धायै सज्जा

नवदिल्ली, 27 मईमासः (हि.स.)।हॉकीइण्डिया संस्थया बुधवासरे एफआईएच प्रोलीग् २०२५-२६ इत्यस्य यूरोपीयचरणाय २४ सदस्यीयभारतीयपुरुषहॉकीदलस्य घोषणा कृता। प्रमुखरक्षकः हरमनप्रीतसिंहः व्यक्तिगतकारणात् फेब्रुवरीमासे होबार्टचरणात् बहिः स्थित्वा पुनः दलं प्रत्यागतवान् तथा पुनरेव कप्तानपदं धारयिष्यति।

भारतीयदलम् अस्मिन् प्रवासे नीदरलैण्ड्, जर्मनी, इङ्ग्लैण्ड्, पाकिस्तान इत्यादिभिः शक्तिशालिदलैः सह स्पर्धां करिष्यति। अयं प्रवासः आगामिहॉकीविश्वकपस्य सिद्धतादृष्ट्या अत्यन्तं महत्त्वपूर्णः मन्यते।

बेल्जियमदेशे सिद्धता, ततः नीदरलैण्ड् इङ्ग्लैण्ड् च देशयोः स्पर्धाः

भारतीयदलम् ७ जूनतः ९ जूनपर्यन्तं बेल्जियमदेशस्य ब्रुसेल्सनगरे सिद्धताशिविरं अभ्यासस्पर्धाश्च करिष्यति। ततः परं दलम् १० जूनतः नीदरलैण्ड्देशस्य रॉटरडैमनगरे भविष्यति, यत्र प्रोलीग्स्पर्धाः भविष्यन्ति।

रॉटरडैमचरणस्य अनन्तरं भारतीयदलम् इङ्ग्लैण्ड्देशस्य लण्डननगरं गमिष्यति, यत्र पाकिस्तान तथा इङ्ग्लैण्ड् दलयोः विरुद्धं स्पर्धाः भविष्यन्ति।

अनुभवीयुवक्रीडकाणां संतुलितमिश्रणम्

दले अनुभवीक्रीडकाणां युवा प्रतिभानां च संतुलितं मिश्रणं स्थापितम् अस्ति। चयनकर्तारः आगामिविश्वकपं दृष्ट्वा मुख्यदलस्य सुदृढीकरणे विशेषं बलं दत्तवन्तः।

रक्षणपङ्क्तौ कप्तानः हरमनप्रीतसिंहः सह अमितरोहिदासः, जरमनप्रीतसिंहः, जुगराजसिंहः युवा क्रीडकः अमनदीपलकड़ा च समाविष्टाः सन्ति।

मध्यपङ्क्तेः उत्तरदायित्वं हार्दिकसिंहः, मनप्रीतसिंहः, विवेकसागरप्रसादः, राजकुमारपालः इत्यादयः अनुभवीक्रीडकाः वहिष्यन्ति।

आक्रमणपङ्क्तौ मनदीपसिंहः, सुखजीतसिंहः, अभिषेकः, सेल्वमकार्थी इत्यादयः तीव्रगतिकाः अग्रक्रीडकाः दलस्य शक्तिरूपेण भविष्यन्ति।

पञ्च स्थगितक्रीडकाः अपि घोषिताः

हॉकीइण्डिया संस्थया पञ्च स्थगितक्रीडकाणाम् अपि घोषणा कृता। एतेषु गोलरक्षकः कृष्णबहादुरपाठकः, अग्रक्रीडकौ अराइजीतसिंहहुंडालः मनिन्दरसिंहः च, रक्षकः पूवन्नाचन्दूराबॉबी, मध्यपङ्क्तिक्रीडकः विष्णुकान्तसिंहः च समाविष्टाः सन्ति।

प्रशिक्षकः क्रेगफुल्टन उक्तवान् — “विश्वस्तरीयदलानां विरुद्धं स्वस्य परीक्षणस्य उत्कृष्टः अवसरः”

मुख्यप्रशिक्षकः क्रेगफुल्टन उक्तवान्, “दलस्य प्रशिक्षणं उत्कृष्टरीत्या प्रचलति तथा क्रीडकाः उत्तमलये सन्ति। जूनमासे नीदरलैण्ड् तथा इङ्ग्लैण्ड्देशयोः भविष्यन्तः प्रोलीग्स्पर्धाः अस्माकं कृते अत्यन्तं महत्त्वपूर्णाः सन्ति। विश्वस्तरीयदलानां विरुद्धम् एताः स्पर्धाः अस्मान् दर्शयिष्यन्ति यत् विश्वकपसिद्धतायां वयं कुत्र स्थिताः स्मः।”

भारतीयदलम्

गोलरक्षकौ:

मोहितहोन्नेनहल्लीशशिकुमारः, सूरजकरकेरा

रक्षकाः:

हरमनप्रीतसिंहः (कप्तानः), अमितरोहिदासः, सुमितः, संजयः, यशदीपसिवाचः, अमनदीपलकड़ा, जरमनप्रीतसिंहः, जुगराजसिंहः

मध्यपङ्क्तिक्रीडकाः:

हार्दिकसिंहः, मनप्रीतसिंहः, राजिन्दरसिंहः, राजकुमारपालः, नीलकान्तशर्मा, विवेकसागरप्रसादः, रबीचन्द्रसिंहमोइराङ्गथेमः

अग्रक्रीडकाः:

मनदीपसिंहः, सुखजीतसिंहः, अभिषेकः, आदित्यअर्जुनलालगे, दिलप्रीतसिंहः, शिलानन्दलकड़ा, सेल्वमकार्थी

भारतस्य स्पर्धासूची (भारतीयसमयानुसारम्)

रॉटरडैम, नीदरलैण्ड्:

१४ जूनः: नीदरलैण्ड् विरुद्धं भारतम् — सायं ७:३० वादने

१७ जूनः: भारतम् विरुद्धं जर्मनी — रात्रौ ११:०० वादने

१८ जूनः: जर्मनी विरुद्धं भारतम् — रात्रौ ११:०० वादने

२१ जूनः: नीदरलैण्ड् विरुद्धं भारतम् — सायं ५:३० वादने

लण्डन, इङ्ग्लैण्ड्:

२३ जूनः: पाकिस्तान विरुद्धं भारतम् — सायं ७:०० वादने

२५ जूनः: इङ्ग्लैण्ड् विरुद्धं भारतम् — रात्रौ १२:०० वादने

२६ जूनः: भारतम् विरुद्धं पाकिस्तानम् — रात्रौ १०:३० वादने

२८ जूनः: इङ्ग्लैण्ड् विरुद्धं भारतम् — रात्रौ ८:३० वादने

---------------

Hindusthan Samachar / Dheeraj Maithani