Enter your Email Address to subscribe to our newsletters
वाराणसी,27 मईमासः (हि.स.)।उत्तरप्रदेशस्य वाराणसीजिल्लायां काशीहिन्दूविश्वविद्यालयस्य तथा नॉर्दर्नस्टेटमेडिकलयूनिवर्सिटी इत्येतयोः मध्ये शैक्षणिकवैज्ञानिकसांस्कृतिकसहयोगस्य सुदृढीकरणार्थं सहमतिज्ञापनस्य हस्ताक्षराणि कृतानि। एषः समझौतिः उभयोः संस्थयोः मध्ये संयुक्तशोधकार्येषु शैक्षणिक-आदानप्रदाने तथा चिकित्साशिक्षाक्षेत्रे सहयोगस्य नूतनां दिशां प्रदास्यति।
विश्वविद्यालयपरिसरे आयोजिते कार्यक्रमे बीएचयू कुलपतिः प्रो अजितकुमारचतुर्वेदी तथा उभयोः संस्थयोः वरिष्ठाधिकारिणां उपस्थितौ सहमतानि हस्ताक्षराणि सम्पन्नानि। बीएचयू पक्षतः कुलसचिवः प्रो अरुणकुमारसिंहः प्रपत्रस्य हस्ताक्षरं कृतवान् यदा रूसीविश्वविद्यालयस्य पक्षतः कार्यवाहकरेक्टर बाइलोवा एन ए आधिकारिकहस्ताक्षरकर्त्री आसीत्। अस्य सूचना विश्वविद्यालयस्य जनसम्पर्ककार्यालयेन बुधवासरे प्रदत्ता।
अस्य सहमतेः अन्तर्गते उभे विश्वविद्यालये विद्यार्थिनां शोधकर्तॄणां शिक्षकाणां तथा तकनीकीकर्मचारिणां आदानप्रदानस्य प्रोत्साहनं करिष्यतः। सहैव संयुक्तशोधपरियोजनासु वैज्ञानिकसांस्कृतिकपरामर्शेषु शैक्षणिकविनिमयकार्यक्रमेषु तथा मानवसूचनासंसाधनानां प्रभावीउपयोगे अपि सहयोगः करिष्यते। उभे संस्थे पारस्परिकशैक्षणिकअनुसन्धानहितानां नूतनक्षेत्रेषु अपि सहकारितासम्भावनाः अन्वेषयिष्यतः।
कुलपतिः प्रो अजितकुमारचतुर्वेदी अवदत् यत् एषः समझौतिः उभयोः संस्थयोः मध्ये सहयोगसहभागितयोः नूतनान् अवसरान् उद्घाटयिष्यति। तेन विद्यार्थिनां कृते इंटर्नशिपकार्यक्रमान् विकसितुं विशेषबलं दत्त्वा उक्तं यत् अनेन तेभ्यः व्यावहारिकानुभवेन सह अन्ताराष्ट्रियदृष्टिकोणः अपि प्राप्तः भविष्यति।
तेन उक्तं यत् रूसीविश्वविद्यालयस्य उन्नतविज्ञानचिकित्साअवसंरचना भारतीयविद्यार्थिनां कृते महत्त्वपूर्णान् अवसरान् प्रदातुं शक्नोति। नॉर्दर्नस्टेटमेडिकलयूनिवर्सिटी इत्यस्य डीन नतालियाअनीकिना अवदत् यत् एषः सहयोगः उभयोः विश्वविद्यालययोः विद्यार्थिनां शिक्षकाणां च कृते विकासस्य उत्कृष्टतायाश्च नूतनान् मार्गान् उद्घाटयिष्यति। तया उक्तं यत् विश्वविद्यालये वर्तमानकाले प्रायः १५०० भारतीयविद्यार्थिनः अध्ययनरताः सन्ति तथा तत्र अत्याधुनिकचिकित्साशिक्षाअनुसन्धानसुविधाः उपलब्धाः सन्ति।
अन्ताराष्ट्रियकेन्द्रस्य समन्वयकः प्रो राजेशकुमारसिंह अवदत् यत् उभयोः पक्षयोः पारस्परिकहितानि ध्यानस्थाप्य विस्तृतविचारविमर्शानन्तरम् एषः सहमतिः अन्तिमरूपेण निश्चिता।
---------------
Hindusthan Samachar / Dheeraj Maithani