हरिद्वारम्, २७ मे-मासः (हि.स.)। राज्य-आन्दोलनकारी तथा पूर्व-मन्त्रिमण्डल-मन्त्री स्वर्गीय-दिवाकरभट्टेन १९७० तमे वर्षे स्थापितया प्रतिष्ठितया सामाजिक-शैक्षिक-संस्थया “तरूण-हिमालय” इत्यनेन सञ्चालितस्य शिक्षा-मन्दिर-तरूण-हिमालय-इण्टर-कॉलेजस्य नूतनं नेतृत्वं प्राप्तम्। समाजसेवी, साहित्यकारः, शिक्षाविद् च त्रिलोकचन्द्रभट्टः विद्यालयस्य प्रधानाचार्य-पदस्य कार्यभारं स्वीकृतवान्।

विद्यालयस्य प्रबन्धकः बलदेवसिंहरावतः तथा प्रबन्ध-मण्डलस्य पदाधिकारीभिः तस्मै नियुक्ति-पत्रं प्रदाय विधिवत् दायित्वं समर्पितम्। संस्थायाः पक्षतः उक्तं यत् शिक्षा-साहित्य-संस्कृति-सामाजिक-क्षेत्रेषु तस्य दीर्घकालिक-योगदानं संघटनात्मक-अनुभवं च दृष्ट्वा एषा जिम्मेदारी तस्मै प्रदत्ता।

विद्यालय-परिसरे आयोजितायां सभायाम् अध्यापक-अध्यापिकाभिः कर्मचारिभिश्च नवनियुक्त-प्रधानाचार्यस्य पुष्पगुच्छैः स्वागतं कृतम्। अस्मिन् अवसरे त्रिलोकचन्द्रभट्टः उक्तवान् यत् शिक्षा केवलं परीक्षा-उत्तीर्णतायाः माध्यमं न, अपितु आदर्श-समाजस्य राष्ट्रस्य च निर्माणस्य आधारशिला अस्ति। तेन निर्धन-आवश्यकतायुक्त-बालकेभ्यः गुणवत्तायुक्त-शिक्षां प्रदातुं संस्थायाः प्राथमिकता इति कथितम्।

तेन शिक्षकान् विद्यार्थिषु संस्कारस्य, अनुशासनस्य, नैतिकतायाः, राष्ट्रभक्तेः च भावनां विकसितुं आहूतम्। सहैव उत्तम-परीक्षा-परिणामानां प्रतियोगी-परीक्षासु सफलतायाः च कृते सामूहिक-प्रयत्नेषु बलं दत्तम्।

विद्यालयस्य प्रबन्धकः बलदेवसिंहरावतः उक्तवान् यत् शिक्षा-मन्दिर-तरूण-हिमालय-इण्टर-कॉलेजः केवलं शिक्षण-संस्थानं न, अपितु सामाजिक-चेतनायाः संस्काराणां च केन्द्रम् अस्ति। संस्थायाः अध्यक्षः गंगादत्तशर्मा अपि विश्वासं प्रकटितवान् यत् त्रिलोकचन्द्रभट्टस्य नेतृत्वे विद्यालयः नूतनाः उपलब्धीः प्राप्तुं सफलः भविष्यति।

अस्मिन् अवसरे प्रबन्ध-मण्डलस्य अनेकाः पदाधिकारीणः, शिक्षक-शिक्षिकाः, विद्यालय-परिवारस्य सदस्याश्च उपस्थिताः आसन्।

Hindusthan Samachar / Divya Ranjan